Проект торгового центра Dzieviatouka Mall. Источник: Intelstock engineering
На скрыжаванні вуліц Дзяржынскага і Белыя Росы пабудуюць новы гандлёвы цэнтр. Участак праектавання адносіцца да свабоднай эканамічнай зоны «Гроднаінвест». Ужо вядомыя асноўныя арандатары будынка. Будаўніцтва павінны скончыць да траўня 2025 года.
Месцы на першым паверсе ў будучым гандлёвым цэнтры ўжо прапануюць у арэнду, цана — дагаворная. Усяго там будзе 20 паасобных памяшканняў са свабоднай планіроўкай. Гандлёвы цэнтр будзе працаваць у фармаце дысконту. Асноўнымі арандатарамі будуць супермаркет «Маяк» — ён зойме плошчу 1200 кв. м, і дыскаўнтар «Светофор» на плошчы 900 кв. м.
Агульная плошча двухпавярховага будынка складзе 4,53 тыс.кв. м. У будынку будзе ліфт, відэаназіранне, побач — паркоўка. Аўтар праекта — кампанія «Интелсток инжиниринг».
Гандлёвы цэнтр будуе кампанія «ГЦ 1695». Асноўны від дзейнасці - здача ў наём ўласнай і арандаванай нерухомай маёмасці. Кампанія таксама з’яўляецца забудоўшчыкам гандлёвага цэнтра ў Грандзічах-1 ля скрыжавання вуліц Макаравай і Глухава і запланаванага Grandichi Mall на скрыжаванні Макаравай і Старамалышчынскай.
Раней планавалі, што гандлёвы цэнтр на Дзевятоўцы з’явіцца да канца 2024 года. У аб’яве аб арэндзе тэрмін уводу ў эксплуатацыю — май 2025 года.
Чытайце таксама:
Праз змены клімату год ад года плытчэе Нёман. Сітуацыю магла б выправіць зіма з вялікай…
Пераможцам аўкцыёну па продажы будынка былой каралеўскай сядзібы Панямунь стала царква «Слова Божае» хрысціян веры…
Участкі на Вялікай Траецкай, якія ў мінулым адносіліся да гістарычнага раёна Школьны двор, плануюць выставіць…
Пад Гроднам прадаюць глэмпінг. Трохкутны дом «Зорка над Нёманам» атачае хваёвы лес, а ў 150…
Амаль гатовая «каробка» аднаго з будынкаў, якія «Палесежылбуд» узводзіць на месцы знесеных аўтэнтычных казармаў канца…
Пры наяўнасці вышэйшай адукацыі, вопыту работы і веданні кітайскай мовы выкладчыку ў ГрДУ імя Янкі…