Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага Санты, якога для сваіх падапечных арганізавалі валанцёры грамадскай арганізацыі «Адданае сэрца». Відэа ў TikTok з заклікам дапамагчы бяздомным жывёлам убачыла больш за 500 тыс. чалавек. У новым роліку валанцёры паказалі, што менавіта ім даслалі неабыякавыя беларусы (і не толькі).
Сабакам даслалі цацкі. Цяпер шчанюкам будзе «нашмат весялей чакаць сваіх мам і тат», адзначаюць валанцёры.
@predannoeserdce.grodno Первая часть распаковки от наших Сант 🎅❤️ ИГРУШЕК И ЛАКОМСТВ УЖЕ ДОСТАТОЧНО‼️‼️‼️ Как только разберем все ваши подарочки опубликуем еще) #подарок #тайныйсанта #помощьбездомнымживотным #преданноесердце #зоозащита #поможемвсемвместе #волонтерство #щенки #щенкибеларусь ♬ оригинальный звук — spotify
Валанцёры дадаюць, што цацак і прысмакаў прыйшло ўжо дастаткова. Людзей, якія хочуць зрабіць прыемнае і замовіць падарункі, валанцёры просяць пісаць у асабістыя паведамленні - там яны адправяць спіс неабходных тавараў. Як адзначалі валанцёры раней, найбольшую патрэбу яны маюць у брызентавых павадках і кармах для жывёл. У тым ліку кансервах Brit для шчанюкоў.
У каментарах карыстальнікі пішуць, што працягваюць заказваць падарункі. Тавары ідуць не толькі з Беларусі, але і з Казахстана.
ГГААЖ «Адданае сэрца» існуе з 2011 года. Гэта некамерцыйная, недзяржаўная арганізацыя. Асноўная мэта — дапамога бяздомным жывёлам, скарачэнне іх ліку шляхам стэрылізацыі, пошук новых гаспадароў, прыцягненне ўвагі грамадства да праблем безнаглядных жывёл і жорсткага стаўлення да іх.
Зоаабаронцы дапамагаюць бяздомным жывёлам за кошт ахвяраванняў. За жывёламі і іх часовымі месцамі жыхарства прыглядаюць валанцёры. Знойдзеных жывёл мыюць, апрацоўваюць ад паразітаў, абследуюць у ветэрынара, і, калі неабходна, лечаць.
