Нерухомасць тыдня: у Гродне прадаюць кватэру «калекцыянера» з электракамінам

Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы з натуральнага дрэва, а па ўсёй даўжыні калідора сцены зроблены люстранымі.

Кватэра знаходзіцца на чацвёртым паверсе цаглянага дома 1965 пабудовы. У кватэры зроблены касметычны рамонт, у вокнах шклопакеты. На падлогах — лінолеўм. Сама кватэра вытрымана ў карычнева-бэжавых адценнях, драўлянымі элементамі аздоблены дзвярныя праёмы і ўваходная прастора.

У зале акрамя электракаміна ёсць вялікі акварыум, а яшчэ — калекцыя рэпрадукцый на сценах. На кухні на сценах вісяць калекцыйныя сувенірныя сподачкі. Санвузел сумешчаны, там устаноўлена ванная.

Агульная плошча кватэры складае 54,5 кв.м., з іх 33,7 кв.м. — жылыя. Вышыня столяў — 2,5 м. У кватэры ёсць лоджыя, а на кухні плошчай 5,8 кв.м. устаноўлена газавая калонка.

Кватэра знаходзіцца па адрасе Савецкіх пагранічнікаў, 55 — у доме з універсамам «Кастрычніцкі». Побач знаходзіцца цэнтральная паліклініка, філармонія, новы ЖК «Купальскі», набярэжная Нёмана і Стары мост. Прадавец у аб’яве адзначае спакойных суседзяў і ўтульны двор.

Цана — $ 40 000.

Чытайце таксама:

• У цэнтры Гродна прадаецца ўтульная «двушка» са спальняй-акварыумам
• У Паўднёвым прадаецца дом з «Раніцай у сасновым лесе» на ўсю сцяну і каралеўскай кухняй
• У Гродне знайшлася олдскульная кватэра, дзе ўсе сцены аздобленыя натуральным дрэвам