Міліцыя вылічыла гродзенца, які скраў частку навагодняй інсталяцыі ў выглядзе ног Дзеда Мароза. Выяўлена, што малады чалавек быў у стане алкагольнага ап’янення.
«Грынча» знайшлі праз два дні
Міліцыі ўдалося вылічыць гродзенца праз камеры відэаназірання. 25-гадовага гараджаніна знайшлі праз два дні пасля інцыдэнту — 18 снежня. Падчас правапарушэння малады чалавек знаходзіўся ў стане алкагольнага ап’янення, паведамляе Telegram-канал «102.Неман».
Дэкарацыю ў бліжэйшы час вернуць уладальнікам. Аб меры пакарання для гродзенца пакуль не паведамляецца.
Уладальнікі бара прасілі гродзенца ананімна вярнуць дэкарацыю
У ноч з нядзелі на панядзелак камеры аднаго з цэнтральных бараў Гродна зафіксавалі двух маладых людзей. Адзін з іх падышоў да ўваходу бара і забраў навагоднюю дэкарацыю.
Тады ўладальнікі бара аб’яўлялі ўзнагароду за любую інфармацыю аб злодзеі ці зніклай фігуры. Уласнікі таксама прапаноўвалі гродзенцу ананімна вярнуць ногі Дзеда Мароза на месца, пакінуўшы іх ля ўвахода ў бар.
Чытайце таксама: У горадзе ёсць яшчэ адзін «выкрадальнік» Раства — гродзенец скраў кавалак дэкаратыўнага торта
