Навагоднія праекцыі для Гродна. Фота: "Гродна Плюс"
Праектар усталявалі каля кінатэатра «Чырвоная Зорка» на Сацыялістычнай. Ён будзе праецыраваць выяву на тарэц будынка кінатэатра.
Паказваць на праектары збіраюцца карцінкі на навагоднюю тэматыку, паведамляе «Гродно Плюс». Яго запусцяць з 13 снежня.
Выявы на сцяне змогуць бачыць усе, хто будзе ісці або ехаць у бок вуліцы Парыжскай Камуны з Дзяржынскага і плошчы Леніна. Па задумцы, праекцыі павінны дапоўніць навагодні антураж горада.
Праектар ужо запускалі для кіраўніцтва горада і камунальных прадпрыемстваў.
Усяго Гродна сёлета ўпрыгожылі амаль 40 км гірляндаў. Толькі на адно «зорнае неба» на Савецкай вуліцы спатрэбілася 800 м.
Галоўную ёлку на плошчы Леніна запаляць 13 снежня ў 17.30. Гледачам абяцаюць яркае шоу і шпацыр з сабакамі пароды хаскі. Вакол ёлкі ўсталявалі чатырохметровую канструкцыю з 12 дрэў з сімваламі знакаў задыякаў і аркі. На контуры будынкаў дадалі гнуткі неон.
Таксама ў пятніцу 13 снежня запаляць алею з «дызайнерскіх» ялінак у парку Жылібера. 16 снежня ўрачыста адкрыюць гарадскі маёнтак Дзеда Мароза ў цэнтры рамёстваў «Спадчына» на Рэйманта, 12. 20 снежня па цэнтральных вуліцах Гродна пройдзе шэсце Дзядоў Марозаў і Снягурак.
Чытайце таксама:
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…
Гродзенскі гісторык Мечыслаў Супрон вызначыў, з якога ракурсу Напалеон Орда зрабіў адзін са сваіх гродзенскіх…
Памяшканне былой крамы «Спорттавары» на Ажэшкі, 42 у Гродне можна ўзяць у арэнду. Аўкцыён па…
Для зручнасці жыхароў і гасцей горада ў Гродне ўводзяць новую схему абмежавання руху мотатранспарту. Існуючая…
Мурал стварылі спецыяльна для "Музея Лідскага бровара". Убачыць яго можна падчас экскурсіі на піваварню 1876…