Дом паляўнічага. Фота з сайта дзяржзакупак
Дом паляўнічага ў Жаркаўшчыне Свіслацкага раёна рэканструююць. Яго перабудуюць у гасцініцу на 15 месцаў. Верагодна, там будуць спыняцца паляўнічыя — запланаваны пакой для захоўвання зброі. Комплекс знаходзіцца на тэрыторыі Белавежскай пушчы і належыць Кіраўніцтву справамі Прэзідэнта.
Трохпавярховы дом паляўнічага па адрасе в. Жаркаўшчына, 20а/6 зараз выконвае функцыі адміністрацыйна-гаспадарчага будынка. Яно ўваходзіць у склад гасцінічнага комплексу «Жаркаўшчына». Яго рэканструююць пад гасцініцу і дададуць прыбудовы. Верагодна, гаворка і ідзе пра дом, пабудаваны ў 1936 годзе як гасцявая дача графскай сям'і Тышкевічаў. Ужо цяпер вядома, што будынак закрываюць на рамонт з 1 снежня.
На першым паверсе будзе банкетная зала на 36 чалавек, пакой адпачынку, два аднапакаёвых двухмесных нумары для фізічна аслабленых асоб, пакой захоўвання зброі гасцей. На другім — жылыя нумары і навес над тэрасай, размешчанай над галоўным уваходам. На трэцім — трохпакаёвы пяцімясцовы нумар замест былога пакоя адпачынку. Два дадатковыя пакоі з’явяцца на гарышчы. У будынку будзе камін.
У рамках рэканструкцыі выдзеляць асобнае парковачнае месца для людзей з інваліднасцю. Таксама запланавана азеляненне і малыя архітэктурныя формы (фантаны, вазоны, аркі і да т.п.). Для фізічна аслабленых асоб будуць пандусы, шырокія тратуары і інш. Для слабавідушчых — гукавыя электронныя інфарматары.
Пры рэканструкцыі адновяць асобныя гістарычныя элементы будынка. Таксама выканаюць тэхнічныя працы з сеткамі.
Зараз выбіраюць арганізацыю для будаўніча-мантажных і іншых работ. Закупкай займаецца РУП «Галоўнае ўпраўленне капітальнага будаўніцтва» Кіраўніцтва справамі Прэзідэнта і ДПУ «Нацыянальны парк «Белавежская пушча». На працы выдаткуюць 2 655 307 рублёў. Работы прадоўжацца з 16 снежня па 30 чэрвеня 2025 года.
Чытайце таксама: Беловежская пуща вошла в топ мест для путешествий в 2020 году от National Geographic
Камінг-аўт гродзенскага блогера і былога палітвязня Вадзіма Ермашука быў гвалтоўным. Сілавікі таемна знялі сэкс Вадзімаці…
Будаўніцтва комплексу "Роял Парк" ідзе на вуліцы Камунальнай, недалёка ад стадыёна "Нёман" і Лядовага палаца.…
Супрацоўнікі агенцтва нерухомасці "Цэнтр жылля" пацікавіліся ў гродзенцаў, у якім раёне тыя не купілі б…
Флігель, які раней быў бібліятэкай Храптовічаў, выставілі на продаж. Адпаведная інфармацыя з’явілася на сайце Дзяржаўнага…
Старшыня Гродзенскага аблвыканкама Уладзімір Каранік святкуе 8 студзеня свой Дзень народзін - чыноўніку споўнілася 52…
Старшыня грамадскага аб'яднання "Рэспубліканскі турысцка-спартыўны саюз" і кіраўнік кампаніі "Нямнова-Тур" Сяргей Іванавіч Каляда памёр 6…