На Дзевятоўцы прадаюць кватэру, цалкам аздобленую дрэвам. Фота: realt.by
У Гродне прадаецца двухпакаёвая кватэра на вуліцы Ліможа, 48. На гукаізаляцыю жыхары дакладна не паскардзяцца: усе сцены пакояў і калідора аздобленыя «па-багатаму» — панэлямі з натуральнага ясеня.
Кватэра размешчана на трэцім паверсе пяціпавярховага панэльнага дома без ліфта. Будынак узведзены ў 1999 годзе. Агульная плошча кватэры — 53,6 кв. м, з іх жылая — 29,5 кв. м, а
8,8 займае кухня.
Унутры кватэры сцены абабітыя масівам ясеня ў натуральным колеры па модзе канца 1980-х — пачатку 1990-х гадоў. Падлога засланая сасновай дошкай, у вокнах — драўляныя шклопакеты. Санвузел паасобны, і ясянёвыя панэлі ёсць нават у туалеце і ў ваннай. Уваходная дзверы — падвойныя, таксама з дрэва.
Кватэра прадаецца часткова з мэбляй (вядома ж, драўлянай) і тэхнікай. Нават люстэрка ў адным з пакояў - у масіўнай круглай драўлянай раме. Інтэр'ер дапаўняюць рогі на сцяне. Люстры і свяцільні эпохай гармануюць з астатнім інтэр'ерам.
На прасторнай кухні ўсталяваны гарнітур з натуральнага дрэва. Балкон зашклёны і таксама аздоблены натуральным дрэвам. У дадатак да кватэры ідзе склеп для захоўвання сезонных рэчаў ці нарыхтовак.
Дом знаходзіцца ў спальным раёне. У крокавай даступнасці - гандлёвы цэнтр «Алмі», стаматалогія, дзіцячы сад, школа і прыпынак грамадскага транспарту.
Кошт кватэры — $ 43 800.
Чытайце таксама:
Экстрэмісцкімі прызналі чаты беларусаў Варшавы. Жыхара Ліды судзяць за атрыманне замежнай дапамогі. Гродзенку судзяць за…
У Беларусі ўжо некалькі гадоў абмяркоўваюць запуск сеткі 5G, і зараз праект набыў канкрэтныя абрысы.…
Да Новага года ў Гродне ўпрыгожваюць не толькі вуліцы, але і транспарт. Жоўты "Запарожац" з…
Калядная батлейка з сапраўднымі жывёламі з'явілася напярэдадні Раства каля Барысаглебскай царквы ў Гродне. Штогадовая традыцыя…
Кожны месяц 2025 года будзе прысвечаны аднаму з відаў турызму, паведаміла Нацыянальнае агенцтва па турызме.…
Перад доўгімі выхаднымі, якія працягнуцца з 4 па 7 студзеня, з боку Брэста пачалі збірацца…