Урачы-стаматолагі за работай. Фота ілюстрацыйнае, Quang Tri NGUYEN, unsplash.com
Гродзенцы паскардзіліся на недахоп артадонтаў у дзіцячай стаматалагічнай паліклініцы. Каб узяць талон да лекара, людзям даводзіцца займаць чаргу з 4 раніцы, але нават пры такіх умовах патрапіць да спецыяліста атрымліваецца не заўсёды. Для вырашэння праблемы чыноўнікі ўвялі адзіны электронны запіс — цяпер выклікаць на прыём будуць па тэлефоне.
Гродзенка Таццяна ў сваім TikTok апублікавала відэа з чаргой у дзіцячай стаматалагічнай паліклініцы, а сёмай раніцы. «У асноўным людзі стаяць па талоны да артадонта. Урачоў усяго два спецыялісты на ўвесь горад і раён», — паскардзілася жанчына.
@lesko_tatsiana Это наша третья попытка достать талон (
♬ Creepy Violins — Apollo Nove
За два дні відэа набрала больш за 100 тыс. праглядаў, а ў каментарах сабраліся абураныя гродзенцы. Яны пішуць пра дэфіцыт медыкаў і недахоп талонаў.
«Гэтай паліклініцы трэба спецыялістаў пабольш, і ўвогуле гэтую праблему вылучыць на рэспубліканскі ўзровень! Да артадонта чакалі чаргу год! Дзіцяці 8 гадоў, зубы мяняюцца, то лячыць, то ірваць трэба», — паскардзілася карыстальніца пад нікам anuta_r.
«Нам трэба было вырваць дзіцяці зуб, ніводная платная стаматалогія куды мы звярталіся, не аказвае гэтую паслугу. А ў бясплатнай запіс толькі праз месяц… Гэта жудасна! Такі Гродна вялікі горад, а адна толькі дзяржстаматалогія…», — паскардзілася Алёна.
«Жонка ў 4 раніцы хадзіла па талон, і была не першая, добра жыву ў суседнім доме. На жаль, гэта не жарт. Заадно і сабака выгуляўся ўдосталь», — напісаў Віталь.
«У Гродне гэта проста жах. Адна дзіцячая стаматалогія на ўвесь горад. Да стаматолага не патрапіць калі толькі па вострым болі», — распавяла Алена.
У адным з каментароў аўтар відэа паведаміла, што плануе тэлефанаваць у аблвыканкам і разбірацца з праблемай.
Здаецца, відэа гродзенкі дайшло і да чыноўнікаў. На наступны дзень пасля публікацыі роліка загадчыца філіяла дзіцячай стаматалогіі Дарыя Шабунька ў эфіры «Гродна Плюс» паведаміла, што парадак запісу да артадонта мяняецца.
Цяпер пацыентаў будуць уносіць у спіс чакання. Для запісу ў адзіную электронную чаргу прадугледзелі два спосабы: па тэлефоне або ў рэгістратуры філіяла з 7 раніцы да 9 вечара.
— Але ў рэгістратуры нашага філіяла запіс будзе ажыццяўляцца па накіраванні ад спецыяліста лекара-стаматолага. Гэта значыць, мы павінны разумець, што гэтаму дзіцяці патрэбна кансультацыя, каб не было такой напружанасці, — адзначыла Шабунька.
Далей, па меры прасоўвання чаргі, спецыялісты паліклінікі будуць тэлефанаваць пацыентам і запрашаць іх на прыём да артадонта.
У сваю чаргу недахоп спецыялістаў чыноўнікі тлумачаць тым, што два з іх праходзяць навучанне ў Мінску, яшчэ два — у дэкрэтным адпачынку. Чыноўнікі абяцаюць, што да студзеня 2025 года дактары вернуцца на свае працоўныя месцы.
Чытайце таксама: У Гродне заканчваюцца стаматолагі-артадонты. Чакаць чаргі трэба паўгода і болей
Гродзенская IT-кампанія "Цэнтр Прагрэсіўных Распрацовак" падала заяву аб банкруцтве. Доўг фірмы - амаль 302 тыс.…
На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…
Італьянскі рэстаран "Сант Микеле" з піцамі і элементамі малекулярнай кухні выставілі на продаж. Пра прычыны…
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…