Адзін з першых забегаў "Гарадзенская вандроўка" ў 2019 годзе. Фота з архіву Hrodna.life
Забег адбудзецца 15 чэрвеня. Агульная колькасць слотаў для жадаючых прыняць удзел — 1000. За першыя тры гадзіны занялі ўжо больш за 80 месцаў. Зарэгістравацца на забег можна на сайце 42 195.by.
Плануецца агульны забег на 5 і 10 км — для больш доўгай дыстанцыі прадугледжаны не толькі індывідуальны, але і камандны залік. «У абодвух выпадках будуць улічвацца вынікі чатырох найлепшых прадстаўнікоў каманд, сярод якіх мусіць быць як мінімум адзін жаночы вынік», — тлумачыць Telegram-канал «РобімНогі».
Таксама прадугледжаны і дыстанцыі для дзяцей на 60, 100, 200 і 400 метраў.
Для самых хуткіх удзельнікаў, якія на дыстанцыі 10 км будуць мець вынікі ў межах 33 хвілін сярод мужчын і ў 38 хвілін сярод жанчын, вылучаць асобны старт пад назвай Pro.
Тым, хто дойдзе да фінішу, абяцаюць унікальны медаль з сімвалам забегу. Кожны год медаль розны. А напярэдадні «Гарадзенскай вандроўкі» адбудзецца традыцыйная экскурсія па горадзе.
Па тэме: Глядзіце, як прыгожа гродзенцы беглі сёлета
У 2025 годзе «Гарадзенская вандроўка» адбудзецца восьмы раз. Традыцыйны маршрут пралягае праз гістарычны цэнтр горада і закранае вуліцы Ажэшкі, Савецкую, Вялікую Траецкую і іншыя.
У 2024 годзе арганізатары прапаноўвалі 820 слотаў для жадаючых паўдзельнічаць у забегу, але свабодныя месцы скончыліся яшчэ за месяц да забегу. Таму на наступны год іх колькасць пашырылі да 1000. Сёлета да «Гарадзенскай вандроўкі» упершыню далучыўся і Навагрудак. Забег «Навагрудская вандроўка» на дзве дыстанцыі - 3,5 і 10 кіламетраў - прайшоў у жніўні.
Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…
Гродзенскі блогер і краязнаўца Яўген Аснарэўскі прадставіў першую канцэпцыю рэканструкцыі палаца роду Пшаздзецкіх. Калі б…