Гістарычны квартал за сінагогай. Фота з архіву Hrodna.life
Змяніўся ўласнік участка на Вялікай Траецкай за сінагогай — яго канфіскавалі ў ранейшага і перапрадалі. Улады ўжо ўзгаднілі праект новай пабудовы, ён праходзіць дзяржэкспертызу.
Новы ўласнік распрацаваў праектную дакументацыю і будзе ўзводзіць там грамадскі аб’ект. Упраўленне архітэктуры ўжо ўзгадніла дакументы, іх перадалі ў Дзяржбудэкспертызу, паведамляе «Гродна Плюс». Пасля гэтага пачнецца будаўніцтва. Таксама добраўпарадкуюць паркоўку каля медцэнтра «Лодэ» — яна ўваходзіць у прылеглую тэрыторыю будынка. У папярэдняга ўласніка зямлю канфіскавалі за парушэнні ўмоў аўкцыёну.
Гаворка ідзе пра адзін з праектаў будаўніцтва паміж «Лодэ» і сінагогай. Паводле кадастравай карты, тэрыторыя цяперашняй паркоўкі прызначана для будаўніцтва і абслугоўвання аб’ектаў інжынернай і транспартнай інфраструктуры па аб’екце «Турыстычны комплекс на зямельным участку У-2 па вул. Вялікай Траецкай у г. Гродна». Статус зямельнага ўчастка змянілі ў жніўні 2024 г., звярнуў увагу канал Urban Hrodna.
Як У-2 на кадастравай карце прамаркіраваныя два ўчасткі ўглыб ад дарогі - па адрасе Вялікая Траецкая, 53 у 0,15 га (статус зменены ў снежні 2021 г.) і Вялікая Траецкая, 53А ў 0.11 га (статус зменены ў жніўні 2024).
На гэтым месцы планавалі збудаваць двухпавярховы (з мансардай) турыстычны комплекс з гатэлем. Яго хацела будаваць мінская фірма «КаваВенд». Рашэнне па планаванай дзейнасці мусілі прыняць у студзені 2024.
Бліжэй да дарогі планавалі ўзводзіць іншы будынак — на кадастравай карце ўчастак прамаркіраваны як У-1. Грамадскія абмеркаванні справаздачы аб АУНА прайшлі ў студзені 2023 года. Там збіраліся адбудоўваць страчаны будынак у максімальна блізкім да гістарычнага аб’ёме, паводле архіўных фотаздымкаў будынка, што стаяў на гэтым месцы.
Раней паведамлялі пра планы адбудовы на Вялікай Траецкай за сінагогай гістарычнага квартала яўрэйскай забудовы XVI ст. Школьны двор. Першы дом там хацелі пачаць будаваць яшчэ ў 2023 годзе. Паводле дэтальнага плана развіцця гістарычнага цэнтра Гродна, забудову страчанага квартала плануюць аднавіць да 2025 г.
Забег адбудзецца 15 чэрвеня. Агульная колькасць слотаў для жадаючых прыняць удзел – 1000. За першыя…
Гродзенскі краязнаўца і блогер Яўген Аснарэўскі звярнуў увагу на псеўдагістарычны артыкул у расійскім выданні “Аўрора”…
Такую статыстыку апублікаваў Бераставіцкі райвыканкам. Згодна з падлікам чыноўнікаў, працу ў раёне шукае толькі адзін…
Турагенцтва «Нямнова тур» абвясціла адкрыццё сезону восеньска-зімовых сплаваў на байдарках па Нёмане. Гродзенцам абяцаюць, што…
Беларуска гатуе незвычайны сыр, знаёмый многім па кірмашах і рамесных крамах у Літве. Там яго…
У Беларусі актыўна рассылаюць апавяшчэнне пра выбары і рэферэндум ад імя нібыта «Цэнтральнай Выбарчай Камісіі…