Улады ацэняць колькасць чаек у Гродне і скажуць, ці трэба непакоіцца

У Гродне ацэняць папуляцыю чаек на 14 жылых дамах. На падставе атрыманых дадзеных скажуць, ці стаяць людзям турбавацца з-за іх.

Гродзенская гарадская жыллёва-камунальная гаспадарка праз дзяржзакупкі шукае таго, хто палічыць чаек на дахах. Выканаўца павінен будзе падаць у ЖКГ дадзеныя па:

• відавым складзе чайкавых птушак,
• наяўнасці іх скапленняў,
• сезоннай і сутачнай актыўнасці,
• гнездаванні на даследаваных жылых дамах у Гродне.

Пакуль ЖКГ вызначае, колькі будзе каштаваць падлікаў чаек. Ацэнку будуць праводзіць да жніўня 2025 года. Сродкі возьмуць з гарадскога бюджэту.

Дзе чайкі гняздуюцца ў Гродне

Мяркуючы па прыкладзеным спісе дамоў, больш за ўсё чаек у цэнтры і на Дзевятоўцы. Вось дзе яны ёсць:

• пр. Касманаўтаў, 37б,
• Вул. Лідская, 3,
• Вул. Лідская, 3а,
• Вул. Белуша, 20а,
• Вул. Белуша, 20б,
• Вул. Айчынная, 19,
• Вул. Таўлая, 52,
• Вул. Церашковай, 13а,
• Вул. Ліможа, 21,
• Вул. Ліможа, 45а,
• Вул. Ліможа, 45б,
• Вул. Ліможа, 45/3,
• Вул. Ліможа, 51,
• Вул. Малышчынская, 5.

Да чаек у Гродне прыйдзецца прывыкнуць

Жыхары Дзевятоўкі, Альшанкі і Вішняўца вымушаныя прачынацца ў 4.00 праз птушыныя крыкі. Праблему прызнаў старшыня гарвыканкама Андрэй Хмель. Эколагам далі даручэнне вывучыць пытанне іх міграцыі, з’яўлення і таго, што рабіць далей.

У Беларусі чайкі сталі сінантропным відам — які жыве ў непасрэднай блізкасці ад чалавека. У Гродна першыя чайкі прыляцелі прыкладна 20 гадоў таму. Узімку большасць гродзенскіх чаек вяртаюцца на незамярзальныя вадаёмы Мінска, дзе можна знайсці ежу ў выглядзе рыбы. Яны досыць сціплыя ў ежы. Акрамя рыбы, харчуюцца малюскамі, казуркамі, чарвякамі і нават рэшткамі ежы са смеццевых кантэйнераў, піша «Гродзенская праўда».