Фота ілюстрацыйнае: Blockchain Sports Drift
Два дні - 31 кастрычніка і 1 лістапада — у гістарычным цэнтры Гродна будуць здымаць відэаролік пра дрыфт. Пры гэтым кожны ахвочы зможа паглядзець на кіраванне прафесіяналаў і паўдзельнічаць у фотасесіі на фоне гоначных аўтамабіляў.
Дрыфт — від спорту і тэхніка кіравання, пры якой аўтамабіль уваходзіць у кантраляваны занос, што дазваляе праходзіць павароты на высокай хуткасці, утрымліваючы машыну ў слізганні. Cтыль папулярны на аўтаспаборніцтвах і шоу, бо дэманструе майстэрства кіравання і ператварае язду ў яскравую падзею.
Здымкі будуць праходзіць каля абласнога драматычнага тэатра і на Старым мосце, на вуліцы Ажэшкі каля Гродзенскага дзяржаўнага ўніверсітэта імя Янкі Купалы, каля Новага замка і на Вялікай Траецкай. Чыноўнікі абяцаюць мінімізаваць нязручнасці для дарожнага руху, звязаныя са здымкамі. Час і месцы абмежаванняў руху паведамяць дадаткова.
Такія здымкі з 26 кастрычніка па 8 лістапада праходзяць у розных рэгіёнах Беларусі: ужо былі ў Нясвіжскім і Косаўскім замках, на брэсцкім вакзале і каля Брэсцкай крэпасці, запланаваны ў Гомелі, Магілёве і Гродне. Падчас здымкаў дэманструецца мастацтва кіравання аўтамабілем на вуліцы гарадоў. Арганізатары — праект Blockchain Sports Drift, частка Blockchain Sports Ecosystem, які базуецца ў Бразіліі. Ён займаецца інтэграцыяй сучасных тэхналогій у розныя віды спорту для аналізу вынікаў і ацэнкі актыўнасці спартсменаў.
Так, Blockchain Sports Drift збірае дадзеныя і навучае мадэлі штучнага інтэлекту для дрыфту без удзелу пілота, каб дадаць відовішчнасці ў гэты від спорту. Каманда выкарыстоўвае сістэму тэхнічнага зроку Computer Vision і спецыяльныя касцюмы з датчыкамі руху. Партнёр праекту — рэзідэнт Парка высокіх тэхналогій IT-кампанія X-Labs Inc. Улетку дзве каманды ад праекту Blockchain Sports Ecosystem, Blockchain Sports Drift Team і X-Labs Team упершыню прынялі ўдзел у III этапе адкрытага чэмпіянату Беларусі па дрыфтынгу «Начны дрыфт Лагойск».
Таксама Blockchain Sports Drift распрацоўвае сімулятар віртуальнай рэальнасці з выкарыстаннем нейрамарфічнага ядра і сэнсарнага строю. Апранаючы строй і запускаючы сімулятар, чалавек адчувае тое, што адчувае кіроўца на трэку. Каманда называе гэта рэвалюцыйным спосабам трэніроўкі і паглыблення ў свет дрыфту.
У здымках відэароліка пра дрыфт бяруць удзел акцёры і пілоты з Беларусі, Аўстраліі, Бразіліі, Нідэрландаў, Тайланда і Японіі.
«У Гродне як звычайна на ўездзе штрафануць за язду без тэхагляду, потым адменяць уікенд, потым зноў ухваляць, а потым яшчэ штрафануць за небяспечную язду», — пажартавалі ў каментарах да анонсу здымак у акаўнце Blockchain Sports Drift.
Чытайце таксама: У гродзенскім ЦУМе з’явіцца фудкорт і авіясімулятар
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…
Увечары 19 лістапада ў доме па вуліцы Віктара Саяпіна невядомы выбіў уваходныя дзверы ў чужую…
Будынак былой адміністрацыі Ленінскага раёна на пешаходнай вуліцы Савецкай прадалі. Ён пуставаў больш за два…
Шаснаццацігадовы школьнік Арцём з Гродна стварыў бясплатны Telegram-бот, у якім можна адсочваць курсы валют і…