Руіны незвычайнай капліцы-усыпальніцы на левым беразе ракі Валоўка пад Навагрудкам расчысцілі ад зарасцяў і смецця. Капліца была збудавана ў рэдкім для Беларусі егіпецкім стылі.
Капліца стаяла на пагорку паміж вёскамі Суляцічы і Іспась, за 9 км ад Навагрудка. Яна была пабудавана ў пачатку ХІХ стагоддзя і зруйнаваная ў савецкі час. Зараз ад капліцы засталася частка сцяны і падмуркі, якія моцна зараслі. Ад зарасніка і смецця іх расчысцілі валанцёры каталіцкай супольнасці разам з калектывам «Радыё Марыя». Фота з вынікамі працы добраахвотнікаў апублікаваў ксёндз Юрый Жэгарын. Святар таксама падзякаваў раённай уладзе, старшыні Навагрудскага выканкама і вальшчыкам Навагрудскага лясгаса за спрыянне і дапамогу.
Гэта адзіны прыклад «егіпецкага» ордэра, які захаваўся ў Беларусі, сведчыў архітэктар Аляксей Яроменка.
Гэта ўжо другая падобная акцыя для захавання архітэкстурнай спадчыны Беларусі, піша партал Katolik Life. У жніўні 2024 года вернікі-добраахвотнікі фарбавалі фасад старадаўняга драўлянага касцёла і добраўпарадкавалі склеп-пахавальню ў вёсцы Хоўхлава Маладзечанскага раёна.
Чытайце таксама: У Гродзенскай вобласці адкрылі для турыстаў 400-гадовае падзямелле. На ўсю Беларусь такіх толькі два
Егіпецкі стыль — кірунак у еўрапейскім мастацтве, які вызначаюць выкарыстаннем элементаў мастацтва старажытнага Егіпта. Найбольшы рост цікавасці да яго ў Еўропе адбыўся ў канцы XVIII — пачатку XIX стагоддзяў і быў звязаны з паходам Напалеона ў 1798 годзе. Архітэктары і мастакі былі зачараваныя манументальнасцю, строгімі формамі і сімволікай. Егіпецкі стыль стаў папулярным не толькі ў архітэктуры, але і ў дэкаратыўным мастацтве, мэблі, модзе і дызайне інтэр'ераў. Яго матывы ўвабраў у сябе стыль ампір. Наступная хваля цікаўнасці прыйшла ў пачатку ХХ стагоддзя.
Асноўныя асаблівасці егіпецкага стылю ў архітэктуры і скульптуры:
У Беларусі егіпецкі стыль не быў такім распаўсюджаным, як у Заходней Еўропе, але ўсё ж меў свае прыклады, у прыватнасці, у могілкавай скульптуры.
Гродзенскі аўтапарк плануе адмовіцца ад кампосцераў у грамадскім транспарце, замяніўшы іх на сучаснае абсталяванне. Аплачваць…
Экс-міліцыянта з Ліды завочна асудзілі за здраду дзяржаве. Суд прызнаў экстрэмісцкімі матэрыялы s13.ru, судзілі і…
З пачатку 2024 года толькі ў судзе Ленінскага раёна Гродна разгледзелі 304 справы па арт.19.11…
Былыя памяшканні адміністрацыі Ленінскага раёна Гродна па адрасе вуліца Савецкая, 10-6 і Савецкая, 14-3 зноў…
Яшчэ да з'яўлення публічнай інфармацыі аб прызнанні партала s13.ru экстрэмісцкім у гарадскіх чатах пачалі папярэджваць…
Галаграфічныя дысплеі з 3D кантэнтам змантуюць у горадзе. На іх будуць паказваць геральдычныя сімвалы Беларусі…