Мужчину доставали спасатели с помощью страховки. Фото: МЧС Гродно
23 кастрычніка ў Гродне мужчыну засыпала зямлёй у траншэі. Ён заставаўся ў прытомнасці і падаваў сігналы, пакуль яму спрабавалі дапамагчы.
Усё адбылося на будаўніцтве дома на вуліцы Сямейнай. Сын з бацькам укладвалі дрэнаж у траншэі каля сцяны дома. Бацька працаваў наверсе, а сын быў унізе. Раптам грунт абрынуўся, і сына засыпала на глыбіні трох метраў.
Ратавальнікаў выклікала яго маці. На дапамогу прыехала брыгада МНС і з дапамогай страхоўкі пачала раскопваць завал ручным інструментам. Ратавальнікі адкапалі мужчыну, паднялі яго на паверхню. Ён быў жывым. Пацярпелага перадалі медыкам, яго шпіталізавалі.
У 2019 годзе ў Гродне ў падобнай сітуацыі мужчына загінуў. Тады 30-гадовага работніка будаўнічай арганізацыі засыпала ў катлаване на будоўлі. У 2020 годзе паблізу адной з вёсак Ашмянскага раёна дзяцей 11 і 12 гадоў засыпала пяском у самаробным кар’еры, дзе яны гулялі. Іх таксама не змаглі выратаваць.
У МНС нагадалі - калі вы сталі сведкам такога здарэння, адразу выклікайце ратавальнікаў па нумарах 101 або 112. Да іх прыезду трэба пастарацца як мага хутчэй вызваліць пацярпелага з-пад завалу і ачысціць яму нос ад пяску, каб ён мог дыхаць.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…