Басейн. Ілюстрацыйнае фота pixabay.com
Басейн «Лазурный» на Савецкіх Пагранічнікаў, 1 чакае рэканструкцыя. На работы выдзелілі паўтара года — з 2 снежня 2024 года па 30 красавіка 2026 года. Што зробяць у самім будынку, паведамлялі раней.
Перад галоўным уваходам будзе пляцоўка для адпачынку з лавамі і велапаркоўкай. На свабоднай ад забудовы тэрыторыі будуць хмызнякі і газон. 47 дрэў высекуць — яны не адказваюць «дэкаратыўным патрабаванням». Некаторыя — перасадзяць.
Аб’ект будзе даступны фізічна аслабленым асобам — за кошт няслізкага пакрыцця і тактыльных указальнікаў.
Упраўленне капітальнага будаўніцтва Гродна шукае генпадрадчыкаў на будаўнічыя работы. На іх выдаткуюць 16 млн рублёў (16 817 834 рублёў). З іх 15 267 268 рублёў пойдзе на самі работы, 1 550 566 рублёў — на абсталяванне.
Раней паведамлялі, што комплекс адноўленага басейна будзе двухпавярховы. На першым размесцяць аквацэнтр для сямейнага адпачынку, а на другім шэраг саунаў. Плошча вялікага басейна будзе 185 кв. м., глыбіня — 1,5 м.
Чытайце таксама: У Гродне нарэшце адновяць басейн «Лазурный»: там з’явяцца два серпантыны, джакузі і хуткая рака
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…