У Гродне ў верасні 2024 года набылі 455 кватэр — гэта самы высокі паказчык са студзеня 2023. Пры гэтым сярэдні кошт квадратнага метра знізіўся, паведамляе Realt.by. Аналіз заснаваны на дадзеных Нацыянальнага кадастравага агенцтва.
У верасні ў Гродне заключылі 455 здзелак куплі-продажу — гэта на 64,9% больш, чым у жніўні і на 71% больш, чым за аналагічны перыяд летась.
Сярод прададзеных кватэр найбольшай папулярнасцю карысталіся двухпакаёвыя — 43% ад усіх здзелак. Доля прададзеных аднапакаёвых кватэр склала 29,2%, трохпакаёвых — 25,9%.
Сярэдні кошт квадратнага метра ў Гродне за месяц знізіўся на 10,9% і склаў $ 685. Гэта на 0,6% вышэй, чым летась у верасні.
Сярэдні кошт квадратнага метра аднапакаёвых кватэр у продажы складае $ 727 — гэта на 14,4% менш, чым у жніўні. Метр у двухпакаёвай кватэры абыдзецца ў $ 681, што на 8,8% менш, чым месяц таму. Трохпакаёвыя кватэры страцілі ў кошце 7,1% і зараз іх сярэдні кошт складае $ 681.
Рэзкае падзенне кошту квадратнага метра ў аднапакаёўках звязана з вялікай доляй здзелак у новым гатовым доме на Фолюшы. Там прадаюцца кватэры са свабоднай планіроўкай: яны класіфікуюцца як аднапакаёвыя незалежна ад плошчы. Гэта штучна ўплывае на зніжэнне сярэдняга кошту аднапакаёўак па ўсім горадзе.
У Гродзенскім заапарку нарадзілася малая ў кітайскіх мунтжакоў. Яна з'явілася на свет яшчэ 27 верасня,…
У Гродзенскім дзяржаўным універсітэце імя Янкі Купалы правядуць бацькоўскі сход для бацькоў будучых абітурыентаў, вучняў…
Гродзенскі гарвыканкам шукае друкаванае СМІ, якое можа стварыць і апублікаваць тэксты аб сацыяльна значных мерапрыемствах.…
Ад 800 рублёў да $2000 трэба гродзенцам для камфортнага жыцця ў горадзе. Такія адказы атрымалі…
Пад зямлёй у Гродне знаходзіцца больш за 100 бамбасховішчаў. Схемы іх размяшчэння ў адкрытым доступе…
Праект жылога комплексу "Аляксандраўскі", які рэалізуецца на месцы знесеных царскіх казармаў у Гродне, атрымаў дыплом…