Ілюстрацыйнае фота
Беларусы на мяжы сутыкнуліся з новай праверкай — выклікаюць сваякоў тых, хто жыве за мяжой. У Гродне неўзабаве дзяржаўныя сцягі могуць з’явіцца на кожным жылым шматпавярховым доме. На некаторых прадпрыемствах Гродзенскай вобласці супрацоўнікаў прымушаюць насіць значкі з чырвона-зялёнай сімволікай. Рэдакцыя Hrodna.life вывучыла, што адбылося ў вобласці з 14 па 20 кастрычніка.
Мінімум 26 былым палітвязням у кастрычніку плануюць замяніць «хатнюю хімію» на калонію. Вядома, што некаторыя з іх пасля вызвалення з СІЗА пакінулі краіну, таму суды фактычна праходзяць завочна. Тых былых палітвязняў, якія застаюцца ў Беларусі, пасля суда змяшчаюць пад варту і пераводзяць у калоніі, паведамляе «Вясна».
Суд Ленінскага раёна Гродна прызнаў экстрэмісцкім Telegram-чат пад назвай «ЧАТ ДВИЖ».
На некаторых прадпрыемствах Гродзенскай вобласці супрацоўнікаў прымушаюць насіць значкі з чырвона-зялёнай сімволікай. А таксама — ляпіць налепкі на чахол тэлефона з гербам або сцягам. У выпадку адсутнасці пагражаюць пазбаўленнем прэміі, паведамляе Telegram-канал «Суды, задержания. Гродно и область».
На тыдні суды па арт.19.11 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць» прайшлі ў Гродне, Воранаве, Смаргоні, Астраўцы, Зэльве, Ваўкавыску. Сярод іх, верагодна, супрацоўніца «Беллакт».
Працэс «Аб замене абмежавання волі з накіраваннем у папраўчую ўстанову адкрытага тыпу» праходзіў 17 кастрычніка ў судзе Ленінскага раёна Гродна. Суддзя — Наталля Козел, паведамляе Telegram-канал «Право имеют».
Сяргея Занямонскага судзілі ў жніўні яшчэ з трыма гродзенцамі паводле ч. 1 арт. 342 КК «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Прысуд яму быў невядомы. Мужчыну ўнеслі ў «спіс экстрэмістаў».
Саўко Віталь Валер’евіч і Бурдзеня Андрэй Яўгенавіч 18 кастрычніка папоўнілі спіс «экстрэмістаў».
«Нашай Ніве» стала вядома, што на мяжы Беларусі з Еўрасаюзам беларускія спецслужбы часам выклікаюць на асабістую гутарку новую катэгорыю людзей — бацькоў, чые дзеці жывуць за мяжой. Сітуацыя адбылася нядаўна на беларуска-польскай мяжы, калі турыстычны аўтобус вяртаўся з экскурсійнай паездкі. Суразмоўца «Нашай Нівы» распавёў, што сярод падарожнікаў не было людзей, якія раней прыцягваліся па пратэставых артыкулах, — гэта высвятлялі яшчэ перад пад’ездам да мяжы.
Па інфармацыі «Нашай Нівы», у Гродне неўзабаве дзяржаўныя сцягі могуць з’явіцца на кожным жылым шматпавярховым доме. Старшыняў жыллёва-будаўнічых кааператываў у Гродне гэтай восенню актыўна пачалі выклікаць у мясцовыя выканкамы. Там, паводле інфармацыі крыніцы, ім пад распіску даводзілі, што да канца кастрычніка на іх доме абавязкова павінен быць усталяваны дзяржаўны сцяг. Набываць і ўсталёўваць сімволіку жыхары павінны за свой кошт.
Блогер Дзмітрый Сіўчык (Дзім Дзімыч), падапечны прадзюсарскага цэнтра «Флагман М’юзік», падаў у суд на актывістку Вольгу Бондараву. Пра гэта Вольга заявіла ў сваім Telegram-канале. Артыкул, у рамках якога будзе ісці разбіральніцтва, невядома.
На нарадзе ў «Гродна Азот» «востра стала пытанне» несвоечасовай ліквідацыі недахопаў у сістэме пажаратушэння цэха гідраравання бензолу. Кіраўніцтва падкрэсліла, што гэта асабліва важна «ў сітуацыі палітычнай нестабільнасці вакол Рэспублікі Беларусь».
Мяркуючы па водгуках, суды гродзенцы альбо любяць, альбо ненавідзяць. Яны добра спраўляюцца з разводамі і горш — з аліментамі. А яшчэ гродзенцы наракалі на маленькія паркоўкі і нязручныя прыбіральні. Рэдакцыя Hrodna.life паглядзела водгукі ў Google Maps і Яндекс.Карты на ўсе гродзенскія суды (і нават знайшла пазітыўныя водгукі).
У Гродзенскім заапарку нарадзілася малая ў кітайскіх мунтжакоў. Яна з'явілася на свет яшчэ 27 верасня,…
У Гродзенскім дзяржаўным універсітэце імя Янкі Купалы правядуць бацькоўскі сход для бацькоў будучых абітурыентаў, вучняў…
Гродзенскі гарвыканкам шукае друкаванае СМІ, якое можа стварыць і апублікаваць тэксты аб сацыяльна значных мерапрыемствах.…
Ад 800 рублёў да $2000 трэба гродзенцам для камфортнага жыцця ў горадзе. Такія адказы атрымалі…
Пад зямлёй у Гродне знаходзіцца больш за 100 бамбасховішчаў. Схемы іх размяшчэння ў адкрытым доступе…
Праект жылога комплексу "Аляксандраўскі", які рэалізуецца на месцы знесеных царскіх казармаў у Гродне, атрымаў дыплом…