Супрацоўнік Гродзенскага механічнага заводу. Фота: "Гродзенская праўда"
Колькасць вакансій у Гродне за год вырасла ўдвая. 64% ад іх агульнай колькасці - гэта вакансіі рабочых. Рэдакцыя Hrodna.life на сайце Цэнтра занятасці вывучыла буйныя прадпрыемствы горада і паглядзела, дзе не хапае рабочых і колькі ім гатовыя плаціць.
На прадпрыемстве налічылі 560 вакансій. Шукаюць апаратчыкаў, слесараў, токараў, рабочых, падсобных рабочых, машыністаў. Таксама шукаюць і начальнікаў. У залежнасці ад спецыялізацыі ім гатовыя плаціць ад 800 да 2200 рублёў. Разбежкі ў зарплаце вялікія. Напрыклад, слесар аварыйна-аднаўленчых работ, як пазначана, можа атрымліваць 860−1500 рублёў.
На прадпрыемства шукаюць 201 супрацоўніка: кіроўцаў, майстроў, слесараў, электраманцёраў. Электраманцёру заплацяць 650 рублёў. Кіроўцу на 0,3 стаўкі - 187,8 рублёў. Майстру — 1350−1750 рублёў. Цікава, што тут мяняецца дырэктар — яго прызначаць з ліку работнікаў.
Тут ёсць 75 вакансій. Акрамя слесараў і токараў, ёсць свая спецыфіка — шукаюць жылоўшчыкаў і расфасоўшчыкаў. Сярэдні заробак — 1500−1800 рублёў. Жылоўшчыку гатовыя плаціць да 2300 рублёў.
196 супрацоўнікаў шукаюць на «Белкард». Шукаюць мантажнікаў (1210−540 рублёў), зубарэзчыкаў (1100−1200 рублёў), слесараў (1100−1450), аператараў (1000−1200). Больш за іншых заробяць: зубашліфоўшчык — 3000−4000 рублёў, наладчык халоднаштамповачнага абсталявання — 1900−4500, каваль-штампоўшчык — 2500−4200 рублёў.
77 вакансій адкрыта на прадпрыемстве. Шукаюць слесараў, наладчыкаў, электраманцёраў, апаратчыкаў, кухонных рабочых. Кухонны рабочы атрымае 809 рублёў, а майстар — 1901 рублёў.
Тут адкрыта 25 вакансій. Патрэбен электраманцёр, слесар-рамонтнік, машыніст крана. Сярэдні заробак — 1200−1500 рублёў. Але токары атрымліваюць па 3000 рублёў.
Значна менш вакансій ёсць на ААТ «Гродзенская тытунёвая фабрыка «Нёман», ААТ «Малочны мір», СТАА «Контэ Спа».
Былы прававы інспектар прафзвязу РЭП Леанід Судаленка ўважае за прычыну недахопу працоўных эміграцыю.
Я бачу [прычыны] менавіта ў незадаволенасці тымі ўмовамі працы, якія прапаноўвае беларускі наймальнік. Што ён можа прапанаваць, калі незалежныя прафсаюзы знішчаны, асабліва пасля падзей 2020 года? Тыя прафсаюзы, якія існуюць, — гэта фактычна аддзяленні адміністрацыі Лукашэнкі на гэтых заводах. Акрамя гэтых дзяржаўных прафсаюзаў, яшчэ ідэолагаў там паўводзілі - намеснікаў гэтых дырэктараў, кіраўнікоў прадпрыемства па ідэалогіі. То бок, людзі вельмі зажатыя, і не кожны можа пагадзіцца працаваць у такіх зжатых умовах, — распавёў ён у інтэрв'ю Hrodna.life.
Чытайце таксама: «Што просты „Іваноў“ можа зрабіць адзін?» Разбіраемся з юрыстам, навошта патрэбны прафсаюзы і чаму ў Гродне недахоп працоўных?
У снежні 2024 года колькасць свабодных працоўных месцаў у вобласці склала больш за 19,3 тыс.…
Усяго ў Гродзенскай вобласці з 2020 года распачалі каля 3250 крымінальных спраў «экстрэмісцкай накіраванасці». У…
Павялічылася колькасць гродзенцаў, якія ездзяць без білета ў грамадскім транспарце. У параўнанні з 2023 годам…
У польскі санкцыйны спіс трапілі тры прадпрыемствы-экспарцёры прадукцыі беларускага прадпрыемства «Гродна Азот», паведамляе Biznes Alert…
У вёсцы Кунцаўшчына Гродзенскай вобласці аднавілі мост цераз раку Лашанку. Ён абрушыўся ў жніўні 2024…
Гродзенец Юрый робіць дошкі для сервіроўкі і дэкаруе іх сухацветамі і эпаксіднай смалой. Свае незвычайныя…