Аляксандр Вярсоцкі. Фота: "Гродзенская праўда"
Нехта спрабаваў пісаць падначаленым старшыні Лідскага райвыканкама Аляксандра Вярсоцкага ад яго імя. Пра гэта ён распавёў сам у зарэгістраваным на яго імя Telegram-канале, дзе і раней пісаў навіны аб сваёй працы.
«Ашуканцы пачалі падрабляць акаўнты кіраўнікоў, каб здабыць патрэбныя ім звесткі. Дабраліся ўжо і да мяне», — напісаў Вярсоцкі.
«Зламыснікі ствараюць фэйкавы акаўнт кіраўніка, як правіла, у Telegram: прозвішча і імя чалавека, а таксама могуць быць яго фатаграфіі — усе яны рэальныя, з афіцыйнага сайта або сацыяльных сетак. Ведаем, што ашуканцы навучыліся падрабляць нават галасы. Не адказвайце! І тым больш не перадавайце звесткі! Для гэтага ёсць афіцыйныя каналы сувязі».
Вярсоцкі нават замацаваў у сваім канале пост з гісторыяй пра фэйкавы акаўнт і ўдакладніў, што сам канал у парадку і абаронены падвойнай верыфікацыяй. Што ўсё ж хацелі ашуканцы і як удалося іх раскрыць, ён не ўдакладніў.
Андрэй Баляслававіч — поўнае імя намесніка старшыні Лідскага раённага выканаўчага камітэта Андрэя Богдана.
Чытайце таксама: У гродзенскага медыя скралі канал у Telegram. Правілы кібербяспекі ад Hrodna.life
Такі спосаб падману — пісаць супрацоўнікам ад імя кіраўніка — сапраўды пачалі выкарыстоўваць ашуканцы. У красавіку 2024 у Магілёве настаўніцы ў мэсэнджэры пісаў нібыта яе дырэктар — аб праверцы на працы і падазрэнні яе самой у махлярстве, а потым тэлефанавалі несапраўдныя міліцыянеры. Каб ануляваць быццам бы ўзяты на яе крэдыт, яе пераканалі насамрэч аформіць крэдыт і перавесці грошы на чужы рахунак. У працэсе размоў яна западозрыла падман і звярнулася ў сапраўдную міліцыю. Перавесці грошы ашуканцам яна не паспела.
Такая схема зваротаў ад імя гендырэктараў або топ-мэнэджараў кампаній да іх супрацоўнікаў раней распаўсюдзілася ў Расіі. Пры гэтым звычайна на ахвяру аказваюць псіхалагічны ціск: быццам бы ўзнікла экстраная сітуацыя, якая патрабуе прыняцце неадкладных мер.
Аляксандр Вярсоцкі стаў кіраўніком Лідскага раёна літаральна пару тыдняў таму — у пачатку кастрычніка. Да гэтага з 2020 года ён кіраваў Свіслацкім райвыканкамам. Пры ім з 2022 года там сталі праводзіць фестываль «Бацькава булка» і нават спрабавалі адкрыць кітайскую майнінг-ферму. Яшчэ раней, з 2011 года, узначальваў упраўленне культуры Гродзенскага аблвыканкама, быў першым намеснікам і з 2018 года начальнікам галоўнага ўпраўлення ідэалагічнай работы, культуры і па справах моладзі аблвыканкама.
Чытайце таксама: Фестывалямі «Батькава булка» і «Синьор Помидор» будуць прыцягваць турыстаў на Гродзеншчыну
Каворкінг знаходзіцца ў гандлёва-забаўляльным цэнтры Triniti. Гэта шматфункцыянальная пляцоўка "К.І.Т.", у якой можна чытаць кнігі,…
Амаль 39 000 метраў гірляндаў і 280 000 лямпачак спатрэбіцца для ўпрыгожвання Гродна да навагодніх…
Гродзенцы паскардзіліся на недахоп артадонтаў у дзіцячай стаматалагічнай паліклініцы. Каб узяць талон да лекара, людзям…
З пачатку 2024 года ў Гродне крэміравалі 140 чалавек, тады як у 2020 годзе -…
Гродзенскія кавярні вырашылі аб’яднацца і дадаць на восень новыя гастранамічныя спалучэнні кававых напояў і дэсертаў.…
Забег адбудзецца 15 чэрвеня. Агульная колькасць слотаў для жадаючых прыняць удзел – 1000. За першыя…