У Гродзенскай вобласці прызначылі новых суддзяў: кагосьці павысілі, кагосьці перавялі, а кагосьці пакінулі на былой пасадзе. Амаль усе з іх выносілі палітычна матываваныя прысуды. Некаторыя судзілі гродзенскіх актывістаў яшчэ ў 2008 годзе.
Суддзёй Гродзенскага абласнога суда стала Барцэвіч Зінаіда Іванаўна. У 2011 годзе Барцэвіч разглядала адразу тры адміністратыўных справы, звязаных з парушэннямі правядзення мітынгаў і дэманстрацый (23.34 ч. 1). Ва ўсіх выпадках яна прысуджала штрафы ў памеры ад 20 да 25 базавых велічынь.
Суддзёй Кастрычніцкага раёна Гродна тэрмінам на пяць гадоў стала Барэль Ларыса Віктараўна. У 2020 годзе яна разглядала пяць адміністрацыйных справаў, звязаных з парушэннямі ў правядзенні мітынгаў і дэманстрацый (23.34 ч. 1), а таксама дробных хуліганстваў (17.1 КоАП). Рашэннем Барэль гродзенскі актывіст Ежы Грыгенча атрымаў 10 сутак арышту за ланцуг салідарнасці (арышт адклалі). Яна ж судзіла і актывіста Уладзіміра Навуміка, якога 29 траўня ў Гродне затрымалі разам з Сяргеем Ціханоўскім, тады мужчына атрымаў 10 сутак арышту.
Намеснікам старшыні суда Кастрычніцкага раёну Гродна стала Гергель Таццяна Уладзіміраўна. Яшчэ ў 2008 годзе рашэннем Гергель актывістам Юрыю Істоміну і Зміцеру Бандарчуку прысудзілі штраф у 5 базавых велічынь кожнаму за дробнае хуліганства. Тады беларусаў затрымалі на вакзале ў Гродне быццам для праверкі дакументаў - у выніку іх даставілі ў аддзяленне міліцыі, дзе і быў складзены пратакол.
У 2018 годзе Гергель абавязала гродзенскіх актывістаў Мікалая Саляніка і Аляксандра Лаўрэнцьева выплаціць штрафы ў 25 базавых велічынь за непадпарадкаванне міліцыі (23.4 КоАП) і парушэнні ў правядзенні мітынгу. Актывістаў затрымалі пры выхадзе з дома 3 ліпеня, калі яны планавалі правесці пікет падчас урачыстасцяў у Гродне.
Суддзёй у Кастрычніцкім раёне Гродна стала Тоўсцік-Самойла Алена Аляксандраўна. У 2018 годзе яна прысудзіла анархісту Уладзіславу Серадзе штраф у 15 базавых велічынь за рэпост, што прыраўноўваецца да распаўсюджвання экстрэмісцкіх матэрыялаў (17.11 КаАП). У 2020 годзе Тоўсцік-Самойла разгледзела не менш за 24 справы, звязаных з парушэннямі ў правядзенні мітынгаў і дэманстрацый (23.34 ч. 1). У тым ліку прысуджала 5 сутак Сяргею Верамеенку і 10 сутак Ежы Грыгенчы. Агулам Тоўсцік-Самойла выдала штрафаў больш за 9 тысяч рублёў.
Намеснікам старшыні эканамічнага суда тэрмінам на пяць гадоў стаў Кароль Эдуард Лявонцьевіч. Ён вёў судовую справу па пазбаўленні Гродзенскага дзіцячага хоспісу памяшкання пасля таго, як яго дырэктарка Вольга Вялічка прыняла ўдзел у акцыі пратэсту. Таксама канфіскаваў на карысць дзяржавы комплекс «Маёнтак Падароск».
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…