Спадчына

Воўпаўскую сінагогу рэканструявалі ў віртуальнай рэальнасці

Па былой Воўпаўскай сінагозе цяпер можна зладзіць віртуальны тур. Цягам года спецыялісты даследавалі архіўныя дакументы і здымкі сінагогі, паводле іх уручную адмалявалі будынак, а пасля змясцілі яго ў віртуальнае асяроддзе. У далейшых планах аўтараў праекту — Слонімская і Ашмянская сінагогі.

Убачыць Воўпаўскую сінагогу можна ў VR-прыладзе

Ідэя віртуальнай рэканструкцыі належыць дырэктару Цэнтра беларуска-яўрэйскай культурнай спадчыны Маі Кацнельсон. Падчас культурнай рэзідэнцыі ў Парыжы Мая пабачыла драўляную мадэль сінагогі ў Воўпе (Ваўкавыскі раён) — тая была прадстаўлена як адна з самых значных і прыгожых драўляных сінагог свету, паведамляе Deutsche Welle.

Ініцыятыву падтрымалі МУС Францыі і Цэнтр яўрэйскага мастацтва пры Яўрэйскім універсітэце ў Іерусаліме.

Работа над праектам цягнулася больш за год. Спачатку каманда пры суправаджэнні спецыялістаў Яўрэйскага ўніверсітэта сабрала і даследавала архіўныя дакументы і здымкі сінагогі. Пасля мастакі-рэстаўратары ўручную адмалявалі і аднавілі будынак, архітэктурныя элементы і роспісы. А затым змясцілі іх у віртуальнае асяроддзе.

Цяпер убачыць Воўпаўскую сінагогу можна ў VR-прыладах ад Meta. Ёсць таксама 3D-версія на сайце беларуска-яўрэйскага цэнтру. Для праекту падрыхтаваны аўдыягід на рускай, французскай і англійскай мовах.

Аўтары праекту: «Былая спадчына стала прывідам»

Падчас даследаванняў эксперты высветлілі, што ў перыяд з 1920 па 1930 гады ў сінагозе праходзіў капітальны рамонт. Падчас яго змянілі інтэр'еры і роспісы сцен.

«Мы вырашылі аднавіць абедзве версіі інтэр'еру. У карыстальнікаў ёсць магчымасць пераключаць рэжымы і бачыць, як будынак трансфармаваўся з гадамі», — паведамілі супрацоўнікі Цэнтру.

Зараз на месцы былой сінагогі знаходзіцца мемарыяльны сквер. Стваральнікі характарызуюць гэта як «вельмі эмацыйны момант». «Мы аднавілі сінагогу ў перыяд яе росквіту. І калі ты пераключаешся ў наш час, разумееш, што былая спадчына стала прывідам».

Плануюць аднавіць у віртуальнай рэальнасці яшчэ дзве беларускія сінагогі. А пілотны праект Слонімскай ужо ёсць

У 2021 годзе Цэнтр прадставіў свой пілотны праект — тады аўтары аднавілі ў 3D Слонімскую сінагогу. Падчас працы гісторыкі знайшлі невядомыя раней фота 1930-х гадоў, па якіх змаглі ўзнавіць страчаныя дэталі інтэр'ера і аднавіць роспісы. Зараз гэты праект будзе дапрацоўвацца для выпуску ў фармаце VR-прылады і 3D тура.

Таксама ў рэжыме дапоўненай рэальнасці плануецца рэканструяваць сінагогу ў Ашмянах і Быхаўскую абарончую сінагогу. Будынкі захаваліся да нашых дзён, але закінутыя і не выкарыстоўваюцца.

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025