Праект абнаўлення набярэжнай усё яшчэ абмяркоўваюць, але канцэпцыю для грамадскага абмеркавання разлічваюць стварыць да канца 2024 года.
Пра гэта расказаў кіраўнік Гродзенскай вобласці Уладзімір Каранік падчас прэс-канферэнцыі. Чыноўнікі ўсё ж улічылі многія ідэі гараджан, якія тыя дасылалі на конкурс аблвыканкама. Пры гэтым адзінай канцэпцыі пакуль няма.
Хто гэта бачыць, як трэба крыху пашырыць, абшыць мармурам, і зрабіць камернае месца, дзе можна шпацыраваць, хтосьці ўсё ж такі бачыць, што гэта аналаг мінскай Зыбіцкай, якая ніколі не спіць, і дзе кіпіць жыццё. Я ўсё ж думаю, што, улічваючы менталітэт гродзенцаў і ўвогуле атмасферу горада Гродна, што ісціна павінна быць недзе пасярэдзіне, — падзяліўся Каранік.
Рэканструкцыю набярэжнай маюць намер завяршыць да 2028 года — праект называюць падарункам да 900-годдзя Гродна.
Конкурс ідэй для добраўпарадкавання набярэжнай Нёмана правялі восенню 2023 года. Сярод прапаноў, адпраўленых на конкурс — экасцежка, якая аб’ядноўвае бераг, ваду і востраў; пешаходны мост праз Нёман, каб звязаць два берагі; амфітэатр на беразе; рачны трамвай або гульнявы замак на востраве ля Новага моста.
Пераможцам абяцалі грашовую ўзнагароду ад 6 да 9 тыс. рублёў, але іх так і не вызначылі.
Частку набярэжнай плануюць уладкаваць у межах праекта рэканструкцыі піўзавода. Тэрыторыя не будзе агароджаная, будзе спуск да ракі.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…