Ва Універсітэцкай клініцы распрацавалі лабараторныя профілі: можна зрабіць чэк-ап арганізма

Спецыялісты Гродзенскай універсітэцкай клінікі распрацавалі дыягнастычныя лабараторныя профілі. Комплекс лабараторных даследаванняў, які дапаможа ацаніць стан органаў і сістэм арганізма і дыягнаставаць захворванні на пачатковым этапе, распрацавалі дыягнастычныя лабараторныя профілі.

Лабараторны профіль — гэта набор аналізаў, накіраваных на рашэнне канкрэтнай задачы, напрыклад, дыягностыку захворванняў або ацэнку рызыкі іх развіцця. Ён дазваляе здаць усе неабходныя аналізы адразу і атрымаць вынікі для далейшага лячэння, тлумачаць спецыялісты клінікі.

Арганізм можа падаваць сігналы аб праблемах на ранніх стадыях, напрыклад, праз дрымотнасць, нервовасць або стомленасць. Але людзі часта іх ігнаруюць. Каб прадухіліць сур’ёзныя захворванні, варта праходзіць комплекснае лабараторнае абследаванне штогод. Гэта дапаможа:

• дыягнаставаць функцыянальны стан органаў і сістэм арганізма;
• вызначыць рызыку ўзнікнення паталогій;
• выявіць інфекцыі;
• ацаніць агульны стан арганізма.

Гэта платная паслуга: каб аформіць дамову на яе, спатрэбіцца пашпарт. Бланк на даследаванне выдадуць у касе, папярэдні запіс не патрэбны. Здаваць кроў для аналізу трэба нашча.

Профіль можна абраць самастойна на сайце клінікі ці па рэкамендацыі доктара, таксама можна пракансультавацца ў аддзяленні платных паслуг. Здаць аналізы можна па будных днях з 08.00 да 12.30. Большасць вынікаў будуць гатовы за дзень.

Што можна праверыць

Для пацыентаў даступныя амаль два дзясяткі дыягнастычных профіляў. У залежнасці ад мэтаў, яны ўключаюць агульны і біяхімічны аналізы крыві, аналізы на гармоны, вітаміны і антыцелы, анкамаркеры, агульны аналіз мачы. Кроў для ўсіх даследаванняў бяруць з вены. Кошты на абследаванні вагаюцца ад 13,54 руб. за ліпідаграму да 212,26 руб. за «VIP-
абследаванне» для жанчын. Актуальны кошт можна ўдакладняць на сайце клінікі. Даступныя:

• штогадовае прафілактычнае лабараторнае абследаванне для ўдакладнення агульнага стану здароўя;
• абследаванне шчытападобнай залозы (першаснае);
• кардыярыск;
• ліпідны спектр (ліпідаграма);
• абследаванне печані;
• абследаванне нырак;
• абследаванне падстраўнікавай залозы;
• рэўматалагічнае абследаванне;
• дыягностыка анемій;
• дыягностыка цукровага дыябету;
• анкалагічны пошук (для мужчыны);
• анкалагічны пошук (для жанчыны);
• ранняя дыягностыка цяжарнасці па крыві;
• дыягностыка гарманальнага фону жанчыны;
• дыягностыка гарманальнага фону мужчыны;
• спермаграма;
• жанчыны 40+ (штогадовае абследаванне);
• vip-абследаванне для жанчын.

Чытайце таксама:

• Гродзенскія медыкі выкарыстоўваюць штучны інтэлект, каб выяўляць анкалагічныя захворванні
• Новы корпус і душавыя ў палатах. Дзіцячую бальніцу ў Гродне чакаюць перамены