Фота ілюстрацыйнае: студэнты на вучэбнай практыцы. Крыніца: Гродзенскі дзяржаўны аграрны ўніверсітэт
Пазовы ў суды на карысць Гродзенскага аграрнага ўніверсітэта падавала пракуратура Гродна. За першыя паўгода 2024 года было пададзена 12 такіх пазоваў.
Былых выпускнікоў праз суды прымусілі вярнуць сродкі, патрачаныя на іх навучанне, на агульную суму 240 тысяч рублёў. Пазовы падавалі супраць выпускнікоў, якія адвучыліся, але не адпрацавалі абавязковае размеркаванне пасля бясплатнага навучання.
Маладыя спецыялісты парушалі ўмовы дагавораў аб мэтавай падрыхтоўцы, расказалі ў пракуратуры. Яны не выходзілі на працу ўвогуле або іх звальнялі за мноства прагулаў неўзабаве пасля працаўладкавання. Суды Ленінскага і Кастрычніцкага раёнаў Гродна задаволілі ўсе пазовы, спагнаўшы з выпускнікоў затраты на іх навучанне на карысць дзяржавы.
Год таму міністр адукацыі Андрэй Іванец казаў, што выпадкі, калі выпускнікі адмаўляюцца ад размеркавання і пакрываюць кошт навучання — адзінкавыя. Тады ж абмяркоўвалі змены ў Кодэксе Рэспублікі Беларусь аб адукацыі. Ідэя была ў тым, каб прымусіць адпрацоўваць размеркаванне не толькі тых, хто адвучыўся на бюджэтнай форме, але і тых, хто аплаціў сваё навучанне. Лукашэнка заявіў, што адукацыя каштуе даражэй, чым за яе плацяць студэнты платнай формы навучання. Таксама ён падзяліўся, што лічыць недастатковымі тэрміны адпрацоўкі. Зараз выпускнікі дзённай формы навучання на бюджэту адпрацоўваюць два гады, мэтавікі - не менш за пяць гадоў.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…