Анджэй Пачобут. Фота: press.pl
Палітвязень, журналіст і лідар польскай меншасці ў Беларусі Анджэй Пачобут яшчэ ў красавіку 2024 года пагадзіўся пакінуць Беларусь. Пра гэта газеце Rzeczpospolita расказала кіраўнічка непрызнанага беларускімі ўладамі Саюза палякаў у Беларусі Анжаліка Борыс.
— Па маёй просьбе ён пагадзіўся пакінуць краіну, — распавяла Борыс польскаму выданню. — Анджэй выглядаў вельмі дрэнна. У мяне разрывалася сэрца.
Анжаліка Борыс змагла сустрэцца з Анджэем Пачобутам у красавіку 2024 года пасля таго, як напісала пра гэта просьбу Аляксандру Лукашэнку. Сустрэча працягнулася 2,5 гадзіны. Борыс была адзіным чалавекам, з якім за доўгі час меў магчымасць сустрэцца палітвязень.
Пасля гэтага, 15 красавіка, Борыс у Варшаве сустрэлася з прэзідэнтам Польшчы Анджэем Дудам. Яна расказала яму пра стан Пачобута, які на той момант знаходзіўся ў зняволенні ўжо больш за тры гады.
— Я заклікала да перамоваў аб вызваленні Анджэя. Я прасіла і буду прасіць таксама беларускія ўлады змяніць ягоную сітуацыю. Гаворка ідзе пра жыццё майго прыяцеля, — кажа ён.
— Наша размова тычылася становішча Саюза палякаў. І я, і Анджэй хочам, каб польскасць тут захавалася, каб мы маглі выкладаць польскую мову. Наша Польшча тут, на Нёмане. Ён быў рады, што мы працягваем рабіць гэта ў гэтай складанай сітуацыі. Я папрасіла яго разгледзець магчымасць выезду з краіны, калі гэта магчыма. Ён сказаў мне наступнае: калі ты лічыш, што гэта правільна, дык я гэта зраблю. Па маёй просьбе ён пагадзіўся пакінуць краіну. Жыццё майго сябра для мяне важней за ўсё, — распавяла Борыс у інтэрв'ю Rzeczpospolita.
Чытайце таксама: Стас Пачобут з Deviation расказаў пра новы гурт, дзяцей і тры месяцы арышту
— Ён выглядаў вельмі дрэнна. Маё сэрца разрывалася. Маральна ён адчувае сябе добра, але фізічна ён выглядаў вельмі дрэнна. Ён моцна схуднеў, я яго не пазнала. Пры ім я яшчэ трымалася, але калі выйшла з турмы, проста расплакалася, — дадала Анджэліка Борыс. Яна кажа, што падчас гэтага візыту турэмныя ахоўнікі пагадзіліся перадаць Пачобуту лекі. Але аб гэтым ёй таксама давялося прасіць Лукашэнку, калі яна пісала яму ліст.
Анджэй Пачобут адбывае пакаранне восем гадоў калоніі ўзмоцненага рэжыму. Яго асудзілі 8 лютага 2023 года па арт. 361 КК «Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь» і ст. 130 КК «Распальванне расавай, нацыянальнай, рэлігійнай або іншай сацыяльнай варожасці». Судовыя паседжанні былі закрытымі.
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…
Будаўніцтва вядзецца на ўчастку па вуліцы Дубко. Новы дом з’явіцца насупраць ГЦ Old City побач…
У жніўні ў сядзібе Пуслоўскіх у Слоніме пачаўся рамонт. Ужо паспелі зняць стары асфальт перад…
Гродна і вобласць у супрацоўніцтве з расійскім горадам Курган можа развіваць адразу некалькі сфер: турызм,…
Іншагароднія студэнты прыехалі ў Гродна і засяліліся ў інтэрнаты. У каментарах яшчэ абітурыенты марылі пра…