Фота падазраванага ў нападзе на беларускую краму Kropka ў Вільні з камеры відэаназірання. Крыніца: facebook.com/ReidasTV/
Фатаграфію чалавека, які напаў на беларускую краму Kropka ў Вільні, размясцілі на старонцы Reidas.lt у Facebook, заўважыла «Наша Ніва». Ён патрапіў у аб’ектыў камеры відэаназірання ўначы 28 ліпеня. Цяпер яго шукае літоўская паліцыя.
Тых, хто пазнае чалавека на фота, заклікаюць звяртацца да старшага следчага паліцыі Вольгі Лук’янавай па тэлефоне 8 60 712 497 ці па email lukjanova@policija.lt.
На сцяне беларускай крамы Kropka ў Вільні ўначы 28 ліпеня невядомы напісаў на літоўскай мове «Вяртайцеся дадому, беларускія свінні». Апроч гэтага, у краме разбілі акно.
Краму беларускіх сувеніраў і творчую прастору ў цэнтры Вільні па адрасе Savičiaus g. 6 адкрыў былы палітвязень Зміцер Фурманаў і яго жонка Вольга. Пара працуе ў тым ліку з майстрамі, якія вымушана пакінулі Беларусь.
Адна з версій, якую абмяркоўваюць у сацыяльных сетках — што правакацыю зладзілі беларускія спецслужбы. За апошні час невядомыя зрабілі некалькі правакацыйных надпісаў на помніках і будынках Вільні.
Пасля нападу Фурманавы адкрылі збор сродкаў на рамонт праз сэрвіс buymeacoffee. Яны хацелі сабраць 400 еўра на рамонт, але за пару гадзін сабралі больш за 500 еўра.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…