Навіны

«Спадзяюся, інвестар мае пачуццё густу». У Гродне прадалі будынак у рэдкім стылі міжваеннага мадэрну

Драўляны дом міжваеннага перыяду на вуліцы Лелявеля, 30 у Гродне прадалі з аўкцыёну. Hrodna.life спытаў у гісторыка Мечыслава Супрона, чым адметная гэта пабудова.

Будынак на вуліцы Лелявеля, 30. Крыніца: et.butb.by

Двухпавярховы дом плошчай 300 кв.м. пабудавалі ў 1937 годзе. Побач размяшчаюцца гаражы, аднапавярховы цагляны будынак 1980 года плошчай 86,1 кв.м. і асфальтаваная пляцоўка плошчай 623 кв.м.

Раней у драўляным будынку размяшчалася падстанцыя хуткай дапамогі. Зараз там могуць адкрыць аб’ект грамадска-жылога прызначэння.

За будынак пераможца аўкцыёну заплаціў амаль 159 тыс. рублёў ($ 50 тыс.).

Будынак захаваўся амаль у першапачатковым выглядзе

«Дом з’яўляецца прыкладам польскага міжваеннага мадэрну. Ён вельмі адметны тым, што драўляны і захаваўся амаль у першапачатковым выглядзе», — сказаў Hrodna.life гісторык Мечыслаў Супрон. Падобных па стылю і захаванасці, у арыгінальным і неперабудаваным выглядзе, у Гродне засталося вельмі мала, адзначыў гісторык.

«Уласнік можа зрабіць усё, што пажадае»

Прыклады такой архітэктуры не маюць ахоўнага статусу, таму найбольш церпяць ад рук уласнікаў, тлумачыць гісторык. Напрыклад, дом могуць ашаляваць сайдынгам ці замяніць драўляныя вокны і дзверы на пластыкавыя.

«Львіную долю падобнай архітэктуры мы страцілі за апошнія тры дзесяцігоддзі, — кажа Супрон. Гісторык дапускае, што гэты дом таксама можа пацярпець. «Уласнік можна зрабіць усё, што пажадае, паколькі ні будынак, ні тэрыторыя, дзе ён знаходзіцца, не маюць ахоўнага статусу».

Супрон спадзяецца, што інвестар мае пачуццё густу і прыналежнасці да нашага горада і «зробіць усё магчымае, каб захаваць пабудовы і вярнуць ёй былое хараство».

Дзе яшчэ ёсць падобныя дамкі

У Навагрудку на вуліцы Савецкай размяшчаюцца падобныя па стылі драўляныя дамкі з урадавай калоніі 1920-х гадоў. Гэтай жылплошчай у міжваенны перыяд забяспечвалі польскіх ураднікаў.

У Гродне падобныя дамкі размяшчаюцца на вуліцы Лелявеля і ў былой настаўніцкай калоніі на вуліцах Чкалава і Асіпенкі.

Чытайце таксама: «Драўляныя дамы можна ратаваць». Гродзенец аднаўляе рэдкі прыклад канструктывізму 1930-х

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025