Польскі турыст Томаш Адамскі ў кашульцы неафашысцкага руху Rodacy Kamraci. Скрыншот Hrodna.life з відэа канала "Гродна Плюс"
Турыст з Польшчы Томаш Адамскі з’явіўся ў Instagram тэлеканала «Гродна Плюс». На відэа ён расхвальвае Беларусь і Лукашэнку. Але рэдакцыю Hrodna.life зацікавіў лагатып на яго кашульцы. Аказалася, гэта сімволіка неафашысцкай польскай партыі «Rodacy Kamraci».
«На Беларусі вельмі спакойна. Цішыня і спакой. Вельмі шмат месцаў можна пабачыць. Прыгожая прырода навокал, — пачынае свой расказ Томаш. — Сітуацыя ў Беларусі выглядае вельмі спрыяльна для палякаў. Мяне ніхто не кранаў. Я ноччу гуляў - ніхто мяне не пабіў».
«Толькі адзін пункт пропуску [на польскай-беларускай мяжы] адкрыты праз гэтую заходнюю палітыку», — скардзіцца турыст. Ён лічыць, што межы мусяць быць адкрытыя, як раней.
А яшчэ Томашу Адамскаму вельмі падабаецца Лукашэнка і не падабаюцца польскія палітыкі.
«Я зайздрошчу, што ў вас ёсць прэзідэнт Лукашэнка. Хацеў бы ў Польшчы такога. У нас не кіруюць палякі, у нас кіруюць польскамоўныя, якія толькі прыкідваюцца палякамі, а дзейнічаюць на шкоду Польшчы, нішчаць яе», — сказаў Томаш у інтэрв'ю.
Увесь час на відэа добра бачная майка Томаша Адамскага з вялікім лагатыпам арганізацыі «Rodacy Kamraci». Што гэта за структура?
«Rodacy Kamraci» — гэта польская нацыяналістычная і неафашысцкая партыя, якую ў 2023 годзе стварыў актывіст Войцех Альшаньскі на аснове свайго ранейшага руху Kamractwo. У 2022 годзе Альшаньскі трапіў на паўгода ў турму за пагрозы забойства дэпутатаў польскага сейму.
«Rodacy Kamraci» выказваюць антысеміцкія, антыўкраінскія, антыамерыканскія і гамафобныя погляды. Таксама яны вераць у «яўрэйскую змову» і іншыя тэорыі змовы, адмаўляюць пандэмію COVID-19 ды хваляць Польшчу часоў камунізму (канкрэтна — 1956−70-х гадоў, калі кіраваў Уладыслаў Гамулка). Лідар партыі Войцех Альшаньскі у студзені 2024 года прызнаўся, што ў часы камунізму быў байцом ZOMO — аналаг беларускага АМАП — які жорстка разганяў пратэсты ў Польшчы.
Пошук па тварах, праведзены рэдакцыяй Hrodna.life, паказаў, што турыст Томаш Адамскі (або вельмі падобны да яго чалавек) удзельнічаў у чэрвені 2022 у нацыяналістычным маршы ў Варшаве. Удзельнікі неслі слоганы «Вялікая Польшча», выкрыквалі антыўкраінскія і антысеміцкія лозунгі ды лозунгі супраць ЛГБТ-супольнасці. У час марша яны абвінавацілі Украіну і НАТА ў агрэсіі супраць Расіі. Паводле выдання OKO.press, той марш арганізавалі прарасійскія актывісты ў Польшчы.
Чытайце таксама: Улады Гродна хваляцца, што да іх прыехала «дэлегацыя Падляскага ваяводства». Насамрэч гэта маргіналы і прыхільнікі Пуціна
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…