Корпус онкадыспансера ў Гродне. Крыніца: grodnonews.by
У Гродне рыхтуюць да здачы блок кантактнай прамянёвай тэрапіі і ізатопнай лабараторыі ў радыелагічным корпусе Гродзенскага абласнога анкалагічнага дыспансера. Пра гэта паведаміў тэлеканал «Беларусь 4. Гродна».
Корпус ужо гатовы, зараз адбываецца набор спецыялістаў. Гэта будуць унікальныя спецыялісты, кажа галоўны лекар Гарадскога клінічнага шпіталя № 3 Уладзіслаў Фралоў. Іх рыхтуюць доўга з прыцягненнем коўчаў і спецыялістаў па абсталяванні.
Таксама ў новы блок закупляюць лінейныя паскаральнікі - абсталяванне, якое зараз ёсць у адзінкавых экзэмплярах толькі ў Мінску. Пры неабходнасці гродзенскія медыкі змогуць звярнуцца па кансультацыю наконт працы з такой тэхнікай у Мінскі гарадскі анкалагічны шпіталь.
У новым блоку будзе магчымасць праводзіць сучасныя, эфектыўныя і высокаінфарматыўныя метады радыёнуклідных дыягнастычных даследаванняў. Пацыентам з Гродна не трэба будзе ехаць у Мінск альбо іншыя абласныя цэнтры, каб атрымаць прамянёвую тэрапію. Гэта дае шанец не толькі прыпыніць рост пухліны, але і ліквідаваць яе.
Плануецца, што пасля адкрыцця блоку радыелагічны корпус будзе працаваць у дзве змены і абслугоўваць каля 50 чалавек штодзень. Гэта павінна пакрыць патрэбы ўсёй Гродзенскай вобласці.
У чэрвені 2023 года адкрылі першую частку Гродзенскага абласнога анкадыспансера. Да яе адносяцца радыелагічны корпус з кіслароднай станцыяй, цеплавым пунктам, трансфарматарнай падстанцыяй, дызель-генератарам, ачышчальнымі, станцыяй адпампоўкі сцёкавых водаў, аўтастаянкай, дарогай і добраўпарадкаваннем тэрыторыі. Усяго запланавана пяць чэргаў будаўніцтва. Цалкам здаць анкадыспансер у эксплуатацыю плануецца ў 2025.
Чытайце таксама: У Гродне з’явіцца анкадыспансер: гараджанам прапануюць выказаць сваё меркаванне
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…