Каля Гродна, недалёка ад базы адпачынку «Прывал», адкрыўся пракат матацыклаў класа «Эндура» для язды па бездаражы. Побач ёсць і траса для такіх паездак.
У пракаце можна арандаваць новыя, спецыяльна набытыя для яго матацыклы з розным аб’ёмам рухавіка і прафесійную абарону. Пракат знаходзіцца пры краме RollingMoto з матацыкламі класа «Эндура». Раней крама працавала каля плошчы Дзекабрыстаў, але без пракату. Уладальнікаў часта прасілі аб тэст-драйве, і яны зразумелі, што паслуга запатрабавана, расказалі яны «АвтоГродно».
Пракат і магазін знаходзяцца каля дарогі ў бок базы адпачынку «Прывал», не даязджаючы да яе блізу 800 м. Траса для матацыклістаў размешчана непадалёк, праходзіць праз лясныя сцежкі і вядзе да Нёмана. Там ёсць маршруты рознага ўзроўню складанасці: для пачаткоўцаў, для дасведчаных матацыклістаў, для прафесіяналаў. Кожная траса разлічана на дзве гадзіны, але можна прайсці яе і за меншы час. Гэтыя ж трасы выкарыстоўваюць гродзенскія аматары «Эндура» для трэніровак. У іх чаце ўжо больш за 200 чалавек.
Што ёсць у пракаце і колькі каштуе
Пакуль для пракату даступныя:
- Kayo Basic YX125 — 125 куб. см (11 л.с., колы 17/14) для дзяцей: 60 хвл. — 55 руб., кожная наступная гадзіна — 45 руб.;
- Kayo Т2 — 250 куб. см (21 л.с., колы 18/21): 60 хвл. — 60 руб., кожная наступная гадзіна — 50 руб.;
- Regulmoto Holeshot (2 шт.) — 300 куб. см (25 л.с., колы 21/18, балансір): 60 хвл. — 70 руб., кожная наступная гадзіна — 60 руб.;
- Regulmoto Norden — 300 куб. см (172FMM-5, 23 л.с., колы 21/18, балансір), цана пракату аналагічная Regulmoto Holeshot;
- Regulmoto ZR — 300 куб. см (25 л.с., колы 21/18, балансір), цана пракату аналагічная Regulmoto Holeshot.
У ахову ўваходзяць панцыр для цела, шлем, мотаакуляры, боты, джэрсі, балаклава, накаленнікі і нарукаўнікі. За яе арэнду трэба будзе заплаціць асобна.
Пракат працуе ва ўсе дні, акрамя панядзелка і аўторка. Падрабязнасці можна ўдакладніць па нумарах: +375 29 2 892 451, +375 29 5 859 376. Крама працуе з панядзелка па чацвер: 10.00−18.00, з пятніцы па нядзелю: 10.00−15.00.
Там жа, на месцы, абслугоўваюць матацыклы, можна пераапрануцца і выпіць гарбату ці каву. У планах таксама пракат квадрацыклаў.
Што трэба для арэнды
Для арэнды спатрэбіцца:
- мінімальныя навыкі кіравання матацыклам;
- чалавек павінен быць у цвярозым стане;
- мінімальны ўзрост — 16 гадоў (у суправаджэнні дарослых);
- пашпарт.
Правы кіроўцы для арэнды матацыклаў не патрэбны, бо яны лічацца спартыўным інвентаром.
Чытайце таксама: Новы экстрым у Гродне: каля гандлёвага цэнтра катаюць на дрыфт-трайках
