Польска-беларуская мяжа. Фота з архіву Hrodna.life
Польскія памежнікі не прапускаюць праз мяжу аўто з беларускай рэгістрацыяй, у якім няма ўласніка. Пра гэта 9 ліпеня 2024 года пачалі пісаць у памежных Telegram-чатах, заўважыла «Еўрарадыё».
Польскія памежнікі 10 ліпеня падцвердзілі, што не прапускаюць аўтамабілі без уласніка. Яны спаслаліся на дапаўненні, якія ўнеслі ў рэгламент Еўрасавета 29 чэрвеня 2024 года. Гэты рэгламент рэгулюе санкцыйны рэжым у адносінах да Беларусі.
Таксама ў Польшчу не прапускаюць аўтамабілі пры наяўнасці генеральнай даверанасці. Пад забаронай апынуўся транспарт, які належыць юрыдычным асобам — уласнікі аўто, якія набылі іх у лізінг, не могуць праехаць праз беларуска-польскую мяжу.
Таксама ўдзельнікі чатаў пісалі, што з 10 ліпеня ў Польшчу з Беларусі нельга будзе везці цыгарэты і алкаголь. Пра гэта нібыта людзям паведамілі польскія мытнікі.
З 4 ліпеня ўзмацніліся праверкі на мяжы з польскага боку. Польская мытня перастала адзначаць tax-free, а тэхніку і запчасткі, якія вязуць у Беларусь, правяраюць нават на зялёным канале. Людзям патлумачылі, што гэта звязана з уступленнем у дзеянне новага 14-га пакета санкцый.
Чытайце таксама: Новыя санкцыі: Польшча забараніла вываз тавару ў Беларусь для фізічных асоб
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…