Навіны

Перакрыюць вуліцы, але пусцяць дадатковы транспарт. Дзе ў Гродне абмяжуюць рух у Дзень незалежнасці і як вярнуцца дадому пасля салюту

У Гродне ў сувязі са святкаваннем Дня незалежнасці перакрыюць для транспарту цэнтральныя вуліцы. Рух абмяжуюць 2 і 3 ліпеня 2024 года.

Якія вуліцы будуць перакрываць

2 ліпеня

  • з 18:00 да 21:00 будуць перакрываць вуліцы Мітрапаліта Філарэта і плошчу Тызенгаўза;
  • з 19:00 да 21:00 перакрыюць вуліцы Дзяржынскага — Сацыялістычную — Ажэшкі - Карбышава — Тэлеграфная — Свярдлова;

3 ліпеня

  • з 7:30 да 00:20 (4 ліпеня) перакрыюць вуліцы Дзяржынскага, Ажэшкі, Тэлеграфную;
  • з 9:00 да 11:30 перакрыюць вуліцу Сацыялістычную;
  • з 01:00 да 01:00 (4 ліпеня) перакрыюць вуліцы Мітрапаліта Філарэта (участак ад плошчы Тызенгаўза да вуліцы Лермантава), плошчу Тызенгаўза.

Для людзей арганізуюць 11 КПП

У цэнтры Гродна 3 ліпеня арганізуюць 11 кантрольна-прапускных пунктаў. Яны будуць размяшчацца:

  • у парку Жылібера праход паміж Тэатрам лялек і палацам Чацвярцінскіх;
  • уваход у парк Жылібера з боку вуліцы Акадэмічнай;
  • уваход у парк Жылібера з боку вуліцы Ажэшкі;
  • уваход у парк Жылібера з боку вуліцы 1-га Мая;
  • уваход у парк Жылібера з боку вуліцы Дзяржынскага;
  • вуліца Сацыялістычная побач з перакрыжаваннем з вуліцай Карбышава;
  • вуліца Ажэшкі побач з домам № 14;
  • вуліца Мітрапаліта Філарэта побач з гарадскім выканкамам;
  • вуліца Віленская побач з ЗАГСам;
  • вуліца Ажэшкі побач з будынкам «Белпошта»;
  • вуліца Дзяржынскага побач са Школай мастацтваў імя Тызенгаўза.

Закрыюць парк Жылібера і пусцяць дадатковы транспарт

Запуск салюту запланавалі ў парку Жылібера побач з фантанам, які размяшчаецца бліжэй вуліцы Ажэшкі. У мэтах бяспекі доступ туды абмяжуюць з 22:00, а таксама падчас запуску феерверку.

Пасля салюту ў горадзе арганізуюць дадатковы транспарт. Ім можна будзе даехаць у спальныя раёны. Ён будзе адпраўляцца з прыпынкаў:

  • 1-я паліклініка;
  • плошча Савецкая (у абодва бакі);
  • Дзіцячы шпіталь;
  • Шпіталь;
  • Аўтавакзал;
  • Гроднахлебпрам.

Чытайце таксама: Як адзначаць Дзень Незалежнасці ў Гродне: падрабязная праграма на 3 ліпеня

Падзяліцца

Апошнія запісы

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025