Навіны

Гродзенская вобласць — на другім месцы па колькасці медыкаў. Дзе яны працуюць і колькі зарабляюць?

У Гродзенскай вобласці на 10 тыс. чалавек прыпадае 57 урачоў-практыкаў і 142 сярэднія медработнікі. Больш дактароў на душу насельніцтва працуе толькі ў Мінску (76), а сярэдняга медперсаналу — у Гомельскай вобласці (143). Пра лічбы ў сферы медыцыны Гродзенскай вобласці і Беларусі і зарплату медыкаў расказалі ў Белстаце.

На канец 2023 года ў Гродзенскай вобласці налічвалася 6,4 тыс. урачоў-спецыялістаў, з якіх 5,7 тыс. — практыкуючыя дактары, расказалі ў Галоўным статыстычным упраўленні Гродзенскай вобласці да Дня медыцынскага работніка. У большасці ўрачоў - 2,3 тыс. чалавек — спецыяльнасці тэрапеўтычнага профілю, у 1,6 тыс. чалавек — хірургічнага. Педыятраў у вобласці ўсяго 600 чалавек, столькі ж працуюць па медыка-дыягнастычным профілі, стаматолагаў - 400 чалавек.

Агулам у вобласці працуе 14,1 тыс. сярэдніх медыцынскіх работнікаў:

  • 9,3 тыс. медыцынскіх сясцёр і братоў;
  • 1,2 тыс. фельчараў;
  • 1 тыс. фельчараў-лабарантаў;
  • 400 зубных фельчараў і тэхнікаў;
  • 500 акушэраў;
  • 400 рэнтгеналабарантаў.

У Гродзенскай вобласці 305 амбулаторна-паліклінічных арганізацый, 74 бальніцы і ўсяго 18 станцый хуткай дапамогі.

За 2023 год лекары прынялі на амбулаторным прыёме і дома 14,1 млн чалавек — гэта 14,2 наведвання на аднаго жыхара вобласці. Брыгады хуткай дапамогі аказалі медыцынскую дапамогу 285 тыс. чалавек.

Чытайце таксама: Загадаў пабудаваць бальніцу за два гады і пераканаў, што ўрачоў хапае. Лукашэнка ў Гродне — аб сітуацыі ў медыцыне

Большасць у медыцыне — жанчыны

Амаль увесь сярэдні медперсанал у Гродзенскай вобласці - жанчыны. Лічбы нават вышэйшыя, чым сярэднія па краіне. У Гродзенскай вобласці сярод урачоў-спецыялістаў жанчын — 76%, мужчын — 24%, сярод сярэдніх медыцынскіх работнікаў жанчын 95,5%, мужчын усяго 4,5%. У цэлым жа ў Беларусі жанчыны складаюць 73,8% ад усіх урачоў-спецыялістаў і 95,2% сярод сярэдніх медыцынскіх работнікаў.

Колькі зарабляюць урачы ў Гродзенскай вобласці

У 2023 годзе па профілі «ахова здароўя» вышэйшую адукацыю атрымалі 572 спецыялісты, а сярэднюю спецыяльную адукацыю — 519 спецыялістаў.

Намінальная налічаная сярэднямесячная зарплата ўрачоў у Гродзенскай вобласці ў 2023 годзе склала 2570,2 рубля, што на 30,2% больш, чым было ў 2022 годзе. Сярэдні медыцынскі персанал у вобласці зарабляў 1434,8 рубля за месяц, гэта на 15,9% больш у параўнанні з папярэднім годам. У Беларусі ў 2023 годзе сярэдні заробак урачоў па краіне ў 2023 годзе быў вышэйшы, чым у Гродзенскай вобласці - 2936,4 руб., таксама як і ў сярэдняга медыцынскага персаналу — 1583,4 руб.

Намінальная налічаная зарплата — гэта грошы да выліку падаткаў. Чыстымі на рукі супрацоўнік атрымлівае менш на 13% падаходнага падатку і 1% адлічэнняў у ФСАН. Сярэдні заробак вылічваецца дзяленнем усёй налічанай сумы на колькасць работнікаў.

Медыцынскі турызм: адкуль прыязджаюць лячыцца ў Гродзенскую вобласць

Медыцынскімі паслугамі ў Гродзенскай вобласці, акрамя беларусаў, у 2023 годзе скарысталіся грамадзяне 89 краін. Асноўныя спажыўцы — грамадзяне Расіі, Літвы, ЗША, Латвіі і Шры-Ланкі. Ва ўсёй Беларусі ў мінулым годзе лячылі грамадзян 147 краін, часцей за ўсё — з Расіі, Казахстана, Латвіі, Босніі і Герцагавіны і Кітая. Звярталіся нават з Аўстраліі, Новай Зеландыі, Амерыканскага Самоа і Фіджы.

Чытайце таксама: Медыцынскі турызм у Гродне: якія паслугі лекараў і па якой цане могуць атрымаць замежнікі

Падзяліцца

Апошнія запісы

Стала вядома, хто будзе кіраваць Гродзенскай вобласцю пасля Караніка

Кіраўніком Гродзенскага аблвыканкама стане Юрый Караеў - пакуль ён будзе часова выконваючым абавязкі, паведамляе Telegram-канал…

3 сакавіка 2025

Аднымі з самых папулярных маршрутаў у Беларусі сталі Мінск — Гродна і Гродна — Вільнюс

Адразу некалькі маршрутаў з Гродна трапілі ў спіс самых папулярных напрамкаў пасажырскіх перавозак за мінулую…

3 сакавіка 2025

Каранік сыходзіць — у Гродзенскай вобласці будзе новы кіраўнік (абноўлена)

У Уладзіміра Караніка будзе новая пасада - Лукашэнка прызначыў чыноўніка намеснікам прэм'ер-міністра Беларусі. Ён будзе…

3 сакавіка 2025

Гасцініцу «Беларусь» перайменавалі — у Гродне ўжо ёсць гатэль з такой назвай

Старую назву дэмантавалі з фасада некалькі дзён таму. Замест "Беларусі" ў гасцініцы цяпер новае імя…

3 сакавіка 2025

Дачка гродзенскага сілавіка вядзе блог з непальскай турмы: сядзіць за 6 кг какаіну

Гродзенка Аліна Алдошына атрымала 15 гадоў зняволення ў непальскай турме за перавозку какаіну. Яе бацьку,…

3 сакавіка 2025

У цэнтры Гродна адкрываецца кафэ з напоямі на аснове кітайскай зялёнай гарбаты

Новая ўстанова адкрыецца ў будынку былой адміністрацыі на Савецкай, 14. Кафэ MoonTea спецыялізуецца на бабл-гарбаце.…

3 сакавіка 2025