З’явілася праграма першага для Гродна гарадскога выпускнога. Свята правядуць на Савецкай плошчы 14 чэрвеня.
Мерапрыемства пачнецца ў 14.00 з урачыстых цырымоній у школах, дзе выпускнікам уручаць атэстаты. Потым удзельнікі перамесцяцца на плошчу Леніна. Адтуль пройдзе шэсце выпускнікоў да Савецкай плошчы.
Асноўная частка вячэрняй праграмы стартуе ў 20:00 з цырымоніі віншавання і ўзнагароджання найлепшых выпускнікоў 2024 года. Пасля гэтага адбудзецца святочны канцэрт з удзелам выступоўцаў з Беларусі і Расіі. Вечар завершыцца феерверкам у 22:55. Па школах выпускнікі раз’едуцца ў 23:15.
Праграма свята
- 14.00 — 17.00 — урачыстыя мерапрыемствы ва ўстановах адукацыі. Уручэнне выпускнікам атэстатаў аб агульнай сярэдняй адукацыі;
- 17.00 — 17.30 — пераезд ад устаноў адукацыі да плошчы Леніна;
- 18.40 — 19.30 — шэсце выпускнікоў ад плошчы Леніна да плошчы Савецкай;
- 19.30 — 20.00 — прэв’ю-шоу «Дарога да поспеху»;
- 20.00 — 20.30 — урачысты пачатак мерапрыемства; цырымонія віншавання выпускнікоў; узнагароджанне лепшых выпускнікоў 2024;
- 20.30 — 21.45 — святочны канцэрт. Выступленне артыстаў з Беларусі: Іван Зданюк, Лера Бернатовіч, Арцём Скароль, шоу-балет «Феерыя», балет Вольгі Шамровай, Мікіта Бялько і Насця Краўчанка, Тэа і Вольга Рыжыкава, Dj Vladlen;
- 21.45 — 22.15 — выступ выканаўцы Фогеля (Расія);
- 22.15 — 22.25 — выступ Dj Jneva;
- 22.25 — 22.55 — выступ групы «Dabro» (Расія);
- 22.55 — 23.00 — феерверк;
- 23.15 — ад’езд выпускнікоў ва ўстановы адукацыі.
Чытайце таксама: «Гарадзенская вандроўка» ўжо праз тыдзень: перакрыюць цэнтр, а па вуліцах прабяжыць амаль сапраўдны «алень святога Губерта»
