Кафэ "Тэмпл" у Гродне. Крыніца: newgrodno.by
Кавярню «Тэмпл» адкрылі 22 траўня на Маставой, 31 у Гродне. Наведвальнікі могуць самі выбраць зерне, напрыклад, з Танзаніі. Таксама ў меню ёсць сняданкі.
У меню ёсць аўтарскія варыянты напояў: капучына з хатняй карамеллю, ванільны персікавы латэ, раф з гімалайскай соллю або мускатны цытрус. Увечары госці кавярні могуць выпіць не толькі каву, але і папулярныя кактэйлі, аўтарскія напоі, сідр.
«Мы ствараем месца пра каву і эмоцыі. Праз смак, разнастайнасць гатункаў, рэцэптаў і тэхналогій заварвання», — напісалі на старонцы кавярні ў Instagram.
Кававае зерне «Тэмпл» закупляе ў мінскай фірмы «Manufactura», якая займаецца пражаннем кавы з 2014 года.
Кафэ знаходзіцца на цокальным паверсе будынка. У гэтым памяшканні раней працаваў бар «Молодость».
Часткова захаваўся інтэр'ер ранейшай установы, але дадаліся жоўтыя колеры. Таксама з’явіліся вялікія люстэркі для сэлфі («як у Pinterest») і «экзатычныя» малюнкі на сценах у стылі «наіўнага мастацтва». На вуліцы ля кавярні ёсць летняя пляцоўка са столікамі, навесам ад сонца, лежакамі, гамаком і нават невялікай каруселлю. Ёсць і другая пляцоўка — ва ўнутраным дворыку.
Час працы кавярні «Тэмпл»:
панядзелак — чацвер, нядзеля — 8.00 — 23.00
пятніца — субота — 8.00 — 00.00
Цэны на каву пачынаюцца ад 3 рублёў.
Таксама ў меню ёсць крафтавая гарбата.
У кавярні два меню: першае — з 8.00 да 16.00, другое — з 16.00 да 22.30. Там ёсць стартары, салаты, супы, сняданкі, паста, бургеры, панкейкі і сырнікі. Тартар па-азіяцку з ялавічынай, малінавым лукам і вустрычным соусам каштуе 18 рублёў, панкейкі са слабасалёным ласосем, вяршковым мусам і зелянінай 14 рублёў, міндальныя крэветкі тэмпура з малінавай сальсай 20 рублёў, французскі тост на вяршковай брыёшы з белай рыбай, рукалай, марынаваным агурком, соусам цэзар і тартар 12 руб, а бургер «Джым Бім» з бурбонам, двума ялавічнымі катлетамі, беконам і ананасам 20 рублёў.
Чытайце таксама: Жывая музыка ў Гродне: у якіх барах, кафэ і рэстаранах можна яе пачуць?
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…