Навіны

На літоўска-беларускай мяжы затрымалі два Tesla Cybertruck: падазраюць, што іх везлі ў Расію

Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў Шальчынінкай. Іх хацелі ўвезці ў Беларусь, але мытнікі выказалі здагадку, што насамрэч электракары павінны былі адправіцца ў Расію, піша Delfi.lt.

Кошт машын — больш за 200 000 еўра. Афіцыйна яны накіроўваліся ў Беларусь. Мытнікі вырашылі, што гэта хітрык, каб далей перавезці аўто ў Расію. Еўрасаюз жа ўвёў санкцыі на экспарт легкавых аўтамабіляў у Расійскую Федэрацыю, а літоўская мытня нядаўна ўзмацніла жорсткасць кантролю над экспартам электрамабіляў у трэція краіны.

У 2023 годзе правялі даследаванне, якое паказала, што амаль кожны другі экспартаваны ў трэція краіны (Беларусь, Казахстан, Узбекістан і іншыя) аўтамабіль коштам ад 50 000 еўра пазней аказваўся на расійскім рынку.

Крымінальная служба мытні пачала расследаванне па факце кантрабанды і парушэння міжнародных санкцый. Абодва аўтамабілі затрыманы і знаходзяцца ў памяшканнях літоўскай мытні. Кіроўцаў аўтамабіляў пасля допыту адпусцілі.

Раней Tesla Cybertruck правозілі з Літвы ў Расію без праблем

Раней як мінімум адзін Tesla Cybertruck паспяхова перасёк літоўска-беларускую мяжу. 27 красавіка ў Гродне яго сустрэў уладальнік — Аляксей Ерамчук з Moscow Tesla Club. «Мы ведаем, як зрабіць так, каб гэтыя аўтамабілі з’явіліся ў Расіі», — казаў Аляксей. Аб тым аўтамабілі пісалі многія медыі, у тым ліку гродзенскія. Магчыма, гэта і прыцягнула ўвагу літоўскай мытні да наступных аўтамабіляў Tesla на мяжы.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025