Узнагароджанне Ежы Максімюка. Крыніца: prezydent.pl
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы — ордэнам Белага Арла. Гэта адбылося 3 траўня 2024 года ў Каралеўскім замку ў Варшаве. Ордэн Максімюку ўручаў прэзідэнт Польшчы Анджэй Дуда.
Ежы Максімюк — кампазітар, які нарадзіўся ў Гродне ў 1936 годзе. У 1947 годзе сям’я Максімюкоў перабралася ў Беласток. Ежы вывучаў фартэпіяна, дырыжыраванне ў Дзяржаўнай вышэйшай музычнай школе ў Варшаве (сёння — Музычны ўніверсітэт Фрыдэрыка Шапэна). У 1972 годзе ўзначаліў Польскі камерны аркестр, які гастраляваў па ўсім свеце. Пазней, у перыяд з 1983 па 1993 год, Максімюк кіраваў Шатландскім сімфанічным аркестрам BBC у Глазга.
У 1990-х кампазітар супрацоўнічаў з Англійскай нацыянальнай операй. Выступаў з Лонданскім сімфанічным аркестрам, Лонданскім філарманічным аркестрам, Нацыянальным аркестрам Францыі, а таксама Такійскім сталічным сімфанічным аркестрам. Кампазітар ствараў музыку для кіно і балета, а таксама запісаў каля 100 плытак. Яго лічаць адным з заснавальнікаў Польскага Таварыства сучаснай музыкі.
Раней яго ўзнагароджвалі польскім залатым Крыжом Ордэна Адраджэння і залатым медалём Gloria Artis.
Чытайце таксама: «Друзья, купите папиросы». Як песня яўрэя з Гродна стала вядомая ва ўсім свеце
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…