На Дзень Перамогі ў Гродне праспявае «Любэ». З’явілася праграма на 9 траўня ў Гродне

9 траўня ў Гродне адбудзецца маштабнае святкаванне Дня Перамогі. У 2024 годзе ў Беларусі адзначаюць 80-годдзе вызвалення Беларусі ад нямецка-фашысцкіх захопнікаў і 79-ю гадавіну Перамогі ў Вялікай Айчыннай вайне.

Асноўныя мерапрыемствы пройдуць на плошчы Савецкай, у парку Жылібера, на вуліцах Савецкай, Дзяржынскага, а таксама на плошчы Тызенгаўза. На працягу дня на вуліцах будуць працаваць розныя тэматычныя пляцоўкі, атракцыёны, гульнявыя зоны і святочны гандаль. Увечары чакае канцэрт і феерверк. Пяты год як святкаванне Дня Перамогі ў Гродне арганізуюць без традыцыйнага раней парада ваеннай тэхнікі па вуліцах горада.

Праграма святкавання Дня Перамогі ў Гродне

Савецкая плошча

• 10:00−10:30 — рэспубліканская акцыя «Беларусь памятае» (пл. Савецкая — вул. Савецкая — вул. Ажэшкі - вул. Дзяржынскага пл. Леніна).

Вуліцы Сацыялістычная, Дзяржынскага

• 10:45−11:00 — «Урачысты марш праўнукаў пераможцаў».

Пляцоўка перад плошчай Тызенгаўза

• 11:00−11:10 — плац-канцэрт курсантаў ваеннага факультэта УА «Гродзенскі дзяржаўны ўніверсітэт ім. Я.Купалы»;
• 11:10−11:15 — акцыя «Вальс міру».

Плошча Тызенгаўза

12:00−18:00 — выстава ўзораў сучаснай вайсковай тэхнікі.

Плошча Леніна

• 11:15−11:45 — урачысты мітынг, прысвечаны Дню Перамогі;
• 11:45−22:00 — святочны канцэрт:
  • музычны тэатр «Рада»;
  • творчыя калектывы Гродзенскага гарадскога цэнтра культуры;
  • кавер-бэнд «Фрэнд бэнд» (Мінск);
  • прамая трансляцыя святочнага канцэрта з плошчы Савецкай.
• 10:00−22:00 — рэстаран пад адкрытым небам.

Парк Жылібера

• 10:30−10:45 — цырымонія ўскладання кветак і вянкоў да помніка савецкім воінам і партызанам.
• Сцэна летняй эстрады (12:00—20:00) — выступленне творчых калектываў г. Гродна; парад-канцэрт духавых аркестраў.
• Тэрыторыя па перыметры вялікага фантана (12:00—18:00) — «Фестываль салдацкай кашы».
• Пляцоўкі каля тэатра лялек (12:00—18:00) — тэматычныя фотазоны, выстава кніг, інтэрактыў, творчыя майстар-класы. Тэматычныя пляцоўкі Гродзенскай пагранічнай групы, Дэпартамента аховы, выступленне кінолагаў.
• Швейцарская даліна (12:00—18:00) — ваенная рэканструкцыя (паказальныя выступленні ваеннаслужачых 6-й асобнай гвардзейскай механізаванай брыгады).
• Тэрыторыя, прылеглая да малога фантана (12:00—18:00) — інтэрактыўная спартыўна-гульнявая пляцоўка.

• Уваход у парк з боку вул. Ажэшкі:
  • 12:00−18:00 — алея ўсталяваных пляцовак: «Партызанскі лагер», «Медсанчастка», «Франтавы музей», «Ваенна-палявая пошта», «Кіно на прывале», «Франтавы тэатр».
  • 11:00−21:00 — выстава-кірмаш майстроў народнай творчасці. Праца атракцыёнаў, гульнявых зон, святочнага гандлю.

Вуліца Савецкая

• 12:00−18:00 «Паўстанкі часу»:
  • «Заўтра была вайна» (пляцоўка каля рэстарана «Каралеўскае паляванне»);
  • «Была вайна. Была Перамога!» (пляцоўка каля ЦУМа);
  • «Мы — з СССР» (пляцоўка каля Моладзевага цэнтра «Гродна»);
  • «Беларусь — мой гонар і слава!» (пляцоўка каля будынку абкама прафсаюзаў).

Савецкая плошча

• 13:00−23:00 — святочны канцэрт:
  • дзіцячыя творчыя калектывы Гродна;
  • узорнапаказальны аркестр унутраных войскаў МУС Рэспублікі Беларусь;
  • творчыя калектывы Гродзенскага гарадскога цэнтра культуры;
  • гурт «Любэ» (Расія).
• 21:55−22:00 — акцыя «Спаём Дзень Перамогі разам!»;
• 22:00−22:10 — святочны феерверк;
• 22:10−23:00 — танцавальная праграма з кавер-бэндам «Цені»;
• 10:00−23:00 — кафэ пад адкрытым небам.

У 2024 годзе на Дзень Перамогі ў Гродне выдаткуюць як мінімум 120 тыс. рублёў з гарадскога бюджэту. Даражэй за ўсё абыдуцца сцэна, гук і святло. Трэцяе месца займае феерверк, хоць ён каштуе менш, чым у летась і пазалетась. Менш за ўсё заплацяць людзям.