Навіны

На літоўскай мяжы ў «Мядзінінкай» уначы згарэў будынак мытні: рух ужо адкрылі (абноўлена)

Пажар здарыўся ў будынку мытні Літвы ў пункце «Мядзінінкай» (з беларускага боку «Каменны Лог»). У будынак ангара на праверку загналі аўтамабіль, ён успыхнуў, а ад яго загарэўся сам будынак.

Абноўлена: падчас пажару пацярпеў мытнік — ён атруціўся ўгарным газам, піша Delfi.

Абноўлена: з 11.25 аднавілі пропуск аўтобусаў і грузавых аўтамабіляў, якія едуць у Літву з боку Беларусі, паведаміў Дзяржаўны памежны камітэт.

Каля 02.40 на пагранічным пункце пропуску «Мядзінінкай», у ангары Віленскай тэрытарыяльнай мытні быў дагледжаны аўтамабіль Porsche Cayenne, піша 15min.lt са спасылкай на Упраўленне паліцыі. Па словах чыноўнікаў, машыну абшукалі па падазрэнні ў захоўванні кантрабандных цыгарэт. Пакуль мытнік правяраў машыну ў пошуках схованак для цыгарэт, яна раптоўна загарэлася.

У час пажару згарэў аўтамабіль, таксама загарэліся ангар аўтатэхагляду і адміністрацыйная частка будынка. У выніку інцыдэнту ніхто не пацярпеў. Памер шкоды вызначаюць.

Крыніца: Дзяржпагранкамітэт Беларусі

Пажар на памежным пераходзе тушылі больш за 4 гадзіны. Былі задзейнічаны восем аўтацыстэрнаў, дзве аўталесвіцы і аўтамабіль штаба.

Згарэлы аўтамабіль. Фота Мытнай крымінальнай службы / 15min.lt
Пасля пажару на літоўскай мяжы. Фота: Irmanto Gelūno / BNS nuotr / 15min.lt

У 9.13 раніцы ў чаце, прысвечаным мяжы, напісалі, што літоўскі бок пачаў прапускаць транспарт у бок Беларусі. Транспарт у бок Літвы не прапускаюць, паводле папярэдняй інфармацыі - да вечара 18 красавіка.

На дадзены момант адзіны дзейны пагранпераход на літоўска-беларускай мяжы — «Шальчынінкай» — «Беняконі».

Чытайце таксама: Перадапошні памежны пераход у Гродзенскай вобласці могуць закрыць у траўні

Падзяліцца
Меткі: Літвамяжа

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025