Сайт "Гродна Азот" пад кантролем "Кіберпартызан". Скрыншот azot.by
«Кіберпартызаны» 17 красавіка правялі атаку на сайт «Гродна Азот». Па іх сцвярджэнні, яны зашыфравалі дакументы, знішчылі некаторыя з іх і парушылі працу цэха. Свае дзеянні яны патлумачылі ціскам кіраўніцтва на падначаленых. Прадпрыемства пракаментавала сітуацыю.
Па версіі «Кіберпартызан», яны:
«З 2020 года кіраўніцтва Гродна Азот удзельнічае ў здзеках, ціску і палітычных рэпрэсіях у дачыненні да супрацоўнікаў прадпрыемства. Мы не забыліся карныя рэйды, даносы і масавыя звальненні. Цяпер ваша чарга расплачвацца», — паведамілі «Кіберпартызаны».
Актывісты для аднаўлення дадзеных заклікаюць вызваліць усіх палітвязняў з ліку супрацоўнікаў «Гродна Азот» і 75 палітвязняў з найгоршым станам здароўя. Яны папярэджваюць, што стаўкі могуць быць яшчэ вышэйшымі.
Кібератаку прадпрыемства назвала «спробай дэстабілізацыі працы прадпрыемства». Яны прызналі, што актывісты хацелі парушыць файлавую сістэмы на асобных рэсурсах. Па іх сцвярджэнні, спецыялісты «Гродна Азот» аператыўна адрэагавалі і ўзмацнілі абарону сеткі. На вытворчай дзейнасці сітуацыя не адбілася.
Сайт «Гродна Азот» пакуль недаступны.
Чытайце таксама: На «Гродна Азот» звальняюць за здымку на тэрыторыі прадпрыемства
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…