Гродзенскія гарадскія пляжы плануюць падрыхтаваць да купальнага сезона да 1 траўня 2024 года. З-за цёплага надвор’я службы, якія адказваюць за навядзенне парадку на пляжах, былі вымушаны паскорыцца, паведаміў тэлеканал «Беларусь 4. Гродна» са спасылкай на Гродзенскі занальны цэнтр гігіены і эпідэміялогіі.
Парадкі наводзяць на пляжах побач з ракой Нёман: Цэнтральным, у лесапарках Пышкі і Ласосна, а таксама на возеры Юбілейным.
«Праведзены рамонт малых архітэктурных формаў, лаваў, душавых кабінак, душавых установак на тэрыторыі пляжа Цэнтральны. Праведзена рэвізія сістэмы водаадвядзення і водазабеспячэння грамадскай каналізаванай прыбіральні на возеры Юбілейнае. Праведзены рамонт фантанчыкаў для піцця», — сказала загадчыца аддзялення камунальнай гігіены Гродзенскага занальнага цэнтра гігіены і эпідэміялогіі Марына Коршук.
Таксама зараз адбываецца рамонт ценявых навесаў, пераапранальняў, біяпрыбіральняў і інфармацыйных стэндаў на гарадскіх пляжах.
Да пачатку купальнага сезона служба гігіены, якая адказвае за якасць вады, двойчы павінна правесці пробы вады на яе бяспеку. З 1 чэрвеня ваду будуць два разы ў месяц правяраць на санітарна-хімічныя паказчыкі, а штотыдзень — браць пробу на мікрабіялагічныя паказчыкі бяспекі.
Падрыхтоўку гарадскіх пляжаў да купальнага сезона планавалі скончыць да 20 красавіка 2024 года. Для добраўпарадкавання Гродзенскае Таварыства выратавання на водах (ТВВОД) планавала заключаць дамовы з арганізацыямі жыллёва-камунальных гаспадарак. Менавіта яны нясуць адказнасць за гродзенскія пляжы.
У канцы красавіка — пачатку траўня 2024 года Нёман плануюць падрыхтаваць да судаходства. Гэтым будзе займацца прадпрыемства «Белводшлях», якое хоча прыбраць смецце і правесці прафілактыку заморных з’яваў [гібель рыбы ў вініку зніжэння кіслароду ў вадзе — Hrodna.life].
Чытайце таксама: Пакупацца і не атрымаць штраф: карта дазволеных пляжаў у Гродне і Гродзенскім раёне
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…