Візавы цэнтр VFS Global у Гродне. Фота ілюстрацыйнае: Hrodna.life
Візавыя цэнтры VFS Global у Беларусі, у тым ліку ў Гродне, павінны былі пачаць выдаваць балгарскі шэнген з 1 красавіка 2024 года. Але ў гэты дзень Амбасада Балгарыі ў Мінску паведаміла, што падаць дакументы можна будзе пазней.
Прымаць дакументы на балгарскія візы ў візавым цэнтры ў Мінску пачнуць з 15 красавіка 2024 г. У візавых цэнтрах у іншых гарадах, у тым ліку ў Гродне, падаць дакументы можна будзе з 1 траўня 2024 г.
Больш падрабязная інфармацыя пра шэнгенскія візы Балгарыі будзе даступная з 8 красавіка 2024 года на сайце візавага цэнтра «VFS Global» (https://visa.vfsglobal.com/blr/ru/bgr) і ў кол-цэнтры па нумары +375 17 3 882 912.
Прымаць дакументы на балгарскі шэнген плануюць візавыя цэнтры ў Мінску, Брэсце, Баранавічах, Віцебску, Гомелі, Гродне, Лідзе, Магілёве і Пінску. Консульскі збор павінен скласці € 35, збор візавага цэнтра — € 25.
Па рашэнні Рады Еўрапейскага саюза, з 31 сакавіка для Румыніі і Балгарыі адмянілі памежны кантроль на марскіх і паветраных межах у межах Шэнгенскай зоны. Пры гэтым на наземных межах кантроль захаваецца яшчэ нейкі час.
Але нават такі ўрэзаны варыянт пашырэння шэнгенскай зоны дазволіў Балгарыі і Румыніі выдаваць паўнацэнныя шэнгенскія візы.
Балгарыя і Румынія ўступілі ў Еўрасаюз у 2007 годзе. Ужо ў 2011 годзе яны тэхнічна былі гатовыя ўступіць і ў Шэнген. Аднак гэты крок блакіравалі іншыя краіны ЕС, найперш Аўстрыя.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…