Мікола Гайдук. Крыніца: orthos.org
Судзілі і аштрафавалі за «экстрэмізм» праваслаўнага святара Мікалая Гайдука, клірыка храма ў гонар Сабора ўсіх беларускіх святых. Ён хацеў раскрытыкаваць нацызм, але суддзя не паверыла.
22 студзеня 2024 года пры маніторынгу сацыяльных сетак святара на яго старонцы «ВКонтакте» знайшлі інфармацыйную прадукцыю з лагатыпам «TUT.BY» і фатаграфію Гебельса са свастыкай, піша «Хрысціянская візія». Гэта кваліфікавалі як захоўванне экстрэмісцкіх матэрыялаў з мэтай распаўсюджвання (ч. 2 арт. 19.11 КаАП РБ), а таксама распаўсюджванне нацысцкай сімволікі (ч. 1 арт. 19.10 КаАП РБ). Хто і навошта маніторыў сацсеткі святара, не ўдакладняюць.
Суд адбыўся 12 і 15 сакавіка 2024 года. Мікалай Гайдук патлумачыў, што нацысцкую сімволіку размяшчаў як частку гістарычнай фатаграфіі - для крытыкі нацысцкіх поглядаў. Гэта пацвярджаў і кантэкст размешчанай інфармацыі. Суддзя суда Ленінскага раёна Гродна Наталля Козел, якая вяла мноства палітычна матываваных працэсаў, у тым ліку і над Hrodna.life, прызнала святара вінаватым. Яна прызначыла яму штраф у памеры 1600 рублёў.
Мікалай Гайдук — іерэй, звышштатны клірык у храме ў гонар Сабору ўсіх беларускіх святых на праспекце Янкі Купалы, насупраць ГЦ Triniti. Настаяцелем гэтага храма з траўня 2023 года архіепіскуп Гродзенскі і Ваўкавыскі Антоній (Дзяніс Даронін) прызначыў самога сябе. Ранейшы настаяцель протаіерэй Анатоля Ненартовіча называлі «правай рукой» ранейшага архіепіскапа Гродзенскага Арцемія. Ненартовіча перад пераводам асуджалі праўладныя каналы. Сам жа Арцемій пасля страты пасады служыў літургіі ў гэтым храме. Яго «адправілі на спачын» у 2021 годзе, а ў 2020 годзе ён адзіны сярод высокапастаўленых іерархаў праваслаўнай царквы асудзіў гвалт з боку сілавікоў і фальсіфікацыю выбараў.
Чытайце таксама: «Быў бы ў Беларусі - мусіў бы маўчаць». Гродзенскі святар — пра сыход з Маскоўскага патрыярхату, пакліканне і крызіс царквы
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…