Фота: Hrodna 11:27
У серыі «Гарадзенская бібліятэка» пры падтрымцы гістарычнага канала Hrodna 11:27 выйшаў восьмы нумар часопіса «Гарадзенскі гадавік». Ён прысвечаны насельніцтву горада на мяжы XVIII і XIX стагоддзяў, калі наш горад акурат перажываў працэс інкарпарацыі ў Расійскую імперыю.
Гэты нумар — нетыповы для гадавіка. Ён складаецца не з асобных навуковых артыкулаў, а з публікацыі адной гістарычнай крыніцы — рэвізскай сказкі горада Гродна, якая была складзена на пачатку XIX ст. Гэта перапіс насельніцтва, які дазваляе ў пэўнай ступені зразумець, якім было насельніцтва нашага горада больш за 200 гадоў таму. Пры тым спіс вельмі лаканічны — пададзены этнічна-канфесійны, дэмаграфічны і прафесійны склад часкі насельніцтва.
На жаль, не ўвесь спіс захаваўся да нашых дзён. Але і ў такім выглядзе ён з’яўляецца каштоўнай крыніцай на гісторыі гарадскога соцыуму мяжы стагоддзяў і эпох.
Публікацыю падрыхтавалі да друку Алесь Радзюк і Юры Гардзееў. Ва ўступным артыкуле змешчаны комплексны разбор дакумента.
Публікацыю можна заказаць, напісаўшы на мэйл: hrodna1127@gmail.com.
«Гарадзенскі гадавік» — навуковы гістарычны часопіс, які ў 2011 годзе заснавалі гродзенскія гісторыкі і краязнаўцы. Папярэдні сёмы нумар выйшаў у 2021 годзе. Раней прэзентацыі кожнага нумара часопіса праходзілі ў Гродне штогод.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…