Інтэр'ер крамы "Феафанія". Фота: instagram.com/feafania_krama
Пра хуткае закрыццё крамы-атэлье «Феафаніі» за тры тыдні да гэтага паведаміла ў Instagram уласніца, Святлана Антановіч.
У допісе Святлана ўспомніла, як стварала для крамы-атэлье інсталяцыю беларускай вясковай хаты з печчу. Прычыны закрыцця яна не паведаміла. «Прашу, ніякіх пытанняў. Будзем рады, калі нас падтрымаеце. І тады наша крама, спадзяюся, праз некаторы час зноў адчыніць дзверы. Але гэта будзе іншае…», — напісала яна.
Крама «Феафанія» адкрылася на Кірава, 3 летам 2022 года. На адкрыцці ладзілі беларускія традыцыйныя танцы. У краме прадаваліся тканіны, быў шырокі выбар ільну, можна было набыць гатовы або замовіць пашыў хатняга тэкстылю. Акрамя таго, там ладзілі сустрэчы і майстар-класы, прысвечаныя беларускім традыцыям і рамёствам, такім як набойка, маляваныя дываны, беларуская вышыўка і іншае, можна было пафатаграфавацца ў інтэр'еры беларускай хаты. У Instagram крамы расказвалі пра беларускія традыцыйныя святы.
Да таго Святлана Антановіч у 2016 годзе адкрыла краму-атэлье «Еўдакія» на вуліцы Перамогі. Назвала яе па імені маці. У 2017 адкрыла пашыўны цэх. У 2018 — яшчэ адну краму «Еўдакія» на Ліможа. У 2019 адкрылася вытворчасць у Лідзе, у 2022 годзе яе закрылі.
Чытайце таксама: Сетка дзіцячых крам «Буслік» у крызісе: з кастрычніка стала ўтрая менш крамаў, у Гродне засталася адна
У Гродне распрацавалі аўдыёгід па пешаходнай вуліцы Савецкай. Каб ім скарыстацца, трэба ўсталяваць праграму на…
У гродзенскі "Рамбудаўтадар" купілі сучаснае абсталяванне кітайскай вытворчасці для здымання дарожнага пакрыцця. Фрэза зроблена "па…
Лозунг брэнда Action - SELF-CONFIDENCE AS А LIFESTYLE. Пакуль ён прадае толькі футболкі. Ёсць з…
87 вакансій у Гродзенскай вобласці прапануюць вызваленым з месцаў адбыцця пакарання ў выглядзе пазбаўлення волі…
У Мураванцы Шчучынскага раёна вакол царквы Раства Багародзіцы больш няма старых дрэваў. Выпадак - частка агульнай…
Праз рамонтныя працы пункты прыпынку "Плошча Савецкая" ў абодва бакі перанясуць, транспарт будзе спыняцца ў…