Навіны

Беларуска скрала пашпарты ў пенсіянераў, каб купіць на іх аўто з-за мяжы

Жанчына даведалася, што за дакументы, якія даюць ільготы на аўтамабіль, можна атрымаць грашовую ўзнагароду. Таму яна падманам скрала пашпарты і пасведчанні інваліда ў двух састарэлых навагрудчан. Замест грошай яна атрымала крымінальную справу.

Справу разглядалі 16 студзеня ў судзе Навагрудскага раёна. Абвінавачаная дала падпіску аб нявыездзе. Яна працуе упакоўшчыцай. У яе ёсць дзіця. Віну жанчына прызнала.

Яна распавяла, што даведалася, што за грашовую ўзнагароду можна падаць дакументы інвалідаў для льготнай выплаты мытных пошлін пры ўвозе аўтамабіляў. Таму яна прыехала ў Навагрудак і ў мінака даведалася адрас састарэлага чалавека. Яму яна прадставілася супрацоўнікам сацыяльнай абароны і сказала, што яму належыць выплата 200 рублёў як прыбаўка да пенсіі. Для гэтага, маўляў, патрэбныя пашпарт і пасведчанне. Мужчына перадаў іх ёй. Такім чынам яна атрымала пашпарт і іншага навагрудчаніна.

Згодна з КК, «састарэлым» лічыцца чалавек ад 70 гадоў.

Сума размытнення аўтамабіля ў Беларусі можа быць большай, чым яго кошт. 50% ільготы ёсць для шматдзетных сем’яў і людзей з інваліднасцю першай і другой групы. Іх замацавалі Указам Прэзідэнта № 140 «Аб кампенсацыі мытных пошлін, падаткаў». Пасля яго ўвядзення беларусы сталі шукаць спосаб «павесіць» афармленне на ільготнікаў, каб зэканоміць. У гэтай сферы з’явіліся махінацыі.

На гэтыя пашпарты і пасведчанні інваліда зарэгістравалі аўтамабіль, які завезлі з Літвы.

На жанчыну заявілі ў міліцыю. Паводле арт. 378 КК «Крадзеж альбо знішчэнне асабістых дакументаў» ёй прызначылі пакаранне ў выглядзе штрафу 40 базавых велічынь (1600 рублёў).

Чытайце таксама: Ад 260 тысяч да паўмільёна. Якія самыя дарагія ўжываныя машыны можна купіць у Гродне

Падзяліцца

Апошнія запісы

Гродзенскага актывіста Ежы Грыгенчу завочна асудзілі на 6 гадоў калоніі

Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…

21 лістапада 2024

Блогер з Гродна Аляксей Саўко з’явіўся ў майцы «Команда Путина»

Блогер з Гродна Аляксей Саўко з ростам у 136 см апублікаваў фота ў футболцы “Команда…

21 лістапада 2024

У Гродне з’явіўся першы 3D-экран — яго размясцілі на фасадзе Triniti

Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…

21 лістапада 2024

Белстат: Турыстаў у Гродзенскай вобласці стала менш у 20 разоў. Тлумачым, чаму насамрэч сітуацыя значна лепш

Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…

21 лістапада 2024

КДБ увёў у Гродне рэжым контртэрарыстычнай аперацыі

Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…

21 лістапада 2024

«Ледзь галаву не адрэзала». Байкеры ў лесе Гродна знайшлі пастку з дроту — у справу ўмяшалася міліцыя

Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…

20 лістапада 2024