Новую вуліцу ў мікрараёне Пагараны-Кашэўнікі назвалі Калінавая. Такую ж назву атрымаў завулак побач з вуліцай — Калінавы. Адпаведнае рашэнне прыняў Гродзенскі гарадскі Савет дэпутатаў. Гэта адбылося яшчэ ў снежні 2023 года, але інфармацыю апублікавалі толькі цяпер.
Назву для вуліцы, якую праектуюць у Пагаранах-Кашэўніках, прапанавалі прыдумаць гродзенцам у лістападзе 2023 года, нягледзячы на тое, што ў Савеце дэпутатаў ужо была ідэя, якую і абралі.
Паўгода таму ў цэнтры Гродна прыдумалі назву для безыменнага праезда
У жніўні 2023 года гарадскі савет дэпутатаў надаў назву безыменнаму праезду побач з Генеральным консульствам Польшчы. Зараз ён называецца праезд Эміля Чэчкі. Гэта польскі вайсковец, які дэзертаваў у Беларусь восенню 2021 года. У сакавіку 2022 года яго знайшлі павешаным у Мінску.
