Дзіця катаецца на цюбінгу, фота ілюстрацыйнае. Фота: Kostiantyn Li, unsplash.com
З пачатку зімовага сезона 2023−2024 у траўмапункт Гродзенскай абласной клінічнай дзіцячай бальніцы звярнуліся 150 чалавек, 50 з іх паступілі пасля катання з горак. Вынікамі катання на цюбінгах («ватрушках») і санках становяцца ўдары, вывіхі, раны, пераломы і чэрапна-мазгавыя траўмы.
Са 150 пацярпелых дзяцей 18 былі шпіталізаваны, расказаў тэлеканал «Гродна Плюс».
Гучным выпадкам стала траўміраванне 6-гадовай дзяўчынкі падчас катання на цюбінгу з горкі на вуліцы Багушэвіча ў мікрараёне Альшанка. Дзіця з адкрытай чэрапна-мазгавой траўмай, ударам галаўнога мозгу і пераломам костак чэрапа ў беспрытомным стане даставілі ў лякарню.
У бальніцы яна прыйшла ў прытомнасць, яе стан ацэньваецца як стабільны цяжкі, жыццю нічога не пагражае, расказала афіцыйны прадстаўнік Упраўлення Следчага камітэта па Гродзенскай вобласці Іна Пазняк.
— На цюбінгу часцей за ўсё траўміруецца альбо галава, альбо пазваночнік, таксама на трэцім-чацвёртым месцы, адпаведна, траўмы ніжніх канечнасцяў і верхніх. Калі гэта цяжкая траўма, а цяжкія траўмы шпіталізуюцца ў нашае аддзяленне, у траўматалагічнае. То тэрмін лячэння, тэрмін рэабілітацыі можа заняць да 6 месяцаў, — расказаў урач Гродзенскай абласной дзіцячай клінічнай бальніцы Алег Мялевіч.
Горку на Багушэвіча ўжо засыпалі пяском. Тое самае работнікі ЖКГ збіраюцца зрабіць з іншымі небяспечнымі месцамі.
Цюбінгавую трасу ў парку актыўнага адпачынку «Каробчыцкі Алімп» адкрылі ў суботу, 6 студзеня. Яна будзе працаваць, пакуль дастаткова снегу. Аднак ужо 10 студзеня сіноптыкі абяцаюць пацяпленне.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…