Экскаватар у Нёмане. Скрыншот: Telegram-канал "МЧС Беларуси"
У Лідскім раёне абваліўся пралёт моста. Гэта адбылося 8 студзеня 2024 года падчас дэмантажу канструкцыі. У выніку пацярпелі два працоўныя, якія дэмантавалі мост, паведаміла МНС Беларусі.
Здарэнне адбылося ў 10:23 побач з вёскай Тосіна і аграгарадком Беліца. Абрынуўся пралёт закрытага моста праз раку Нёман. У рацэ апынуўся экскаватар з машыністам.
Ратаўнікі з дапамогай трохкаленнай лесвіцы транспартавалі двух пацярпелых і выцягнулі працоўнага з экскаватара, які зваліўся ў раку. Усіх пацярпелых шпіталізавалі ў Лідскую цэнтральную раённую бальніцу з траўмамі рознай ступені цяжкасці. Сярод іх чэрапна-мазгавыя, пераломы, пашкоджанні ўнутраных органаў і грудной клеткі. Двух чалавек шпіталізавалі ў аддзяленне рэанімацыі і інтэнсіўнай тэрапіі, трэцяму пацыенту праводзяць дадатковыя даследаванні. Зараз высвятляюць прычыну здарэння.
Мост, які часткова абрынуўся ў Нёман, знаходзіцца на 78 км дарогі М-11/Е85 ад мяжы Літвы праз Ліду і Слонім да Быценя. Яго абвал не перашкодзіць руху транспарта, бо мост ужо закрыты. Побач у 2021−23 гадах пабудавалі новы мост, які адкрылі ў снежні 2023 года.
Завершыць працы і дэмантаваць стары мост планавалі да кастрычніка 2024 года. Металічныя канструкцыі дэмантаванага моста прапанавалі адправіць на пераапрацоўку, а жалезабетон пасля драблення планавалі выкарыстаць пры падсыпцы дарог.
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…