"Гроднагаз". Фота: gas.grodno.by
Супрацоўніка і супрацоўніцу Шчучынскага раёна газазабеспячэння (РГС) «Гроднагаз» судзілі за фота бел-чырвона-белага сцяга на іх старонках у інтэрнэце. Гэта палічылі несанкцыянаваным пікетам. Справы разгледзеў суд Шчучынскага раёна ў выязным судовым пасяджэнні ў будынку мясцовага РАУС. Рашэнні з’явіліся ў банку судовых рашэнняў.
Супрацоўнік РГС размясціў у «Одноклассниках» фатаграфію з выявай бел-чырвона-белага сцяга і плакатамі. Тым самым, палічыў суд, ён узяў удзел у несанкцыянаваным мерапрыемстве — пікетаванні, якое райвыканкам не дазваляў. Паводле ч. 1 арт. 24.23 КаАП яго аштрафавалі на 20 базавых адзінак (740 рублёў).
На тую ж суму аштрафавалі і супрацоўніцу РГС — яна апублікавала фота бел-чырвона-белага сцяга ў «Одноклассниках».
Таксама стала вядома пра штраф яшчэ адной супрацоўніцы «Гроднагаз». За «экстрэмісцкі» лагатып у «Одноклассниках» яна заплаціць 20 базавых велічынь (740 рублёў). Таксама ў яе канфіскуюць мабільны тэлефон.
Раней было вядома пра лёс чатырох затрыманых на «Гроднагаз» у Шчучыне. За «экстрэмісцкія» падпіскі, рэпосты і лагатыпы ў «Одноклассниках», Instagram і «Вконтакте» іх 18 снежня 2023 года арыштавалі на 10 сутак
Пра затрыманні на «Гроднагаз» у Лідзе і Шчучыне за распаўсюд «экстрэмісцкіх матэрыялаў» у інтэрнэце стала вядома 15 снежня 2023 года.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…